HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 27 1039 Kütahya Hilâl-i Ahmer Şuʻbesi Kütahya Hilâl-i Ahmer Şuʻbesi için yapılan intihâbât netîcesinde ihrâz-ı ekseriyet-i ârâ eden Müftü fazîletlü Bekir Sıdkı Efendi reîs-i evvel, Kolağası Yakub Efendi reîs-i sânî, Mevlevî Şeyhi Sâkıb Çelebi, Karaağazâde Mahir ve Germiyanzâde Kâmgâr ve Boşnak Tuzcu Mehmed, Doktor Nail ve Naci ve Yamalızâde Hasan Bey ve Efendiler aʻzâ ve Astarcızâde Rıza Efendi kitâbete ve Merkez Tahsîldârı Kâmil Efendi veznedârlığa ve Mekteb Müdürü Geylan Efendi veznedâr muʻâvinliğine taʻyîn edilmiş ve intihâb-ı vâkiʻ merkez-i umûmîce tasdîke iktirân eylemişdir. _______________ Kangal Kazâsı Hilâl-i Ahmer Şuʻbesi Sivas vilâyetine merbût Kangal kazâsında müceddeden teşekkül eden Hilâl-i Ahmer Şuʻbesi'ne Hâkim Mustafa Lütfi, Şuʻbe Reîsi Binbaşı Sabri, Müftü Mehmed Emin, Belediye Reîsi Mustafa, Şerʻiyye Başkâtibi Darendeli Mehmed, Kangal Ağazâde Hacı Ağa, Zâimzâde Hacı Mehmed, Bank Meʼmûru Ömer Efendiler ve bunlardan HâkimMustafa Lütfi Efendi reîs, Bank Meʼmûru Ömer Efen- di kâtib ve Şerʻiyye Başkâtibi Mehmed Efendi veznedâr olmak üzere intihâb edilmişlerdir. Sivas Hilâl-i Ahmer Heyʼet-i Merkeziyesi'nin himemât-ı ber-güzîde ve teşvîkât-ı müessiresiyle vücûd bulan Kangal şuʻbesine muvaffakiyet temennî ve Sivas merkezine de şükrânlarımızı takdîm ederiz. _______________ Silivri Hilâl-i Ahmer Şuʻbesi Silivri'de ahîren icrâ olunan intihâb netîcesinde Hilâl-i Ahmer şuʻbesi heyʼeti Yusuf Şerif, [69] Zeki, Hüsnü Beyzâde Hasan, Hasan Ağazâde Hasan, Ahmed Efendizâde Hüseyin, Bakkâl Mehmed Beyzâde Hüseyin Bahaeddin, sâbık Komiser İbrahim Bey ve Efendilerle Ahmed Ağazâde Esad Ağa'dan teşekkül etmiş ve intihâb-ı vâkiʻ merkez-i umûmîce tasdîke iktirân etmişdir. _______________ Bulgaristan İʻânesi 1 Mart 1338 [1922] târîhinden 15 Eylül sene 1339 [1923] târîhine kadar Bulgaristan'da Şumnu ve mülhakâtı ahâlî-i İslâmiyesi'nin Hilâl-i Ahmer'e nakden muʻâvenetini müşʻir cedveldir: Leva/ Santim Şumnu kasabasında erkekler tarafından 87.880,80 Şumnu kasabasından kadınlar tarafından 11.653 Şumnu kasabasında toplanan eşyâ esmânı 600 Saroy karyesi ahâlî-i İslâmiyesi'nden 2.815 Saltıklı karyesi ahâlî-i İslâmiyesi'nden 1.325