HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 27 1043 1922 târîhinden 30 Haziran 1923 târîhine kadar 2.818.299 frank teʼmîn etmişdir. Şimdiye kadar top- lanan kâğıdlar 89.671 kantara yani 8.967.100 kiloya bâliğ olmuşdur. İtalya Salîb-i Ahmer İdâresi 3.397 zâbit ve 122 meʼmûrdan müteşekkildir. Sâbit, seyyâr has- tahâneleri, gemi ve trenleri, şimendifer imdâd mevkiʻleri son derece mükemmeldir. _______________ Bulgar Salîb-i Ahmeri Harb-i Umûmî esnâsında yüz şuʻbesi bulunan Bulgar Salîb-i Ahmeri'nin baʻde'l-harb hudûd- larının [72] küçülmesi üzerine şuʻbeleri elliye ve 1921 senesinde aʻzâsı 10.000'e tenezzül etmişdir. Maʻamâfîh teşkîlât-ı cedîde sâyesinde şuʻbe ve aʻzâsının mikdârı tezâyüd edeceğini ümîd et- mekdedir. Bulgar Salîb-i Ahmeri'nin sulh zamânına âid vezâifi şu sûretle tesbît edilmişdir: 1-Harb maʻlûllerine, eytâma ve vefât edenlerin âilelerine, kelimenin tekmîl siʻa-i şümûlüyle muʻâvenet etmek 2-Emrâz-ı müstevliye, verem, sıtma, frengi teşkîlâtına yardım etmek 3-Hareket-i arz, tuğyân-ı miyâh, harîk-ı hâil, kaht gibi âfât ve mesâibe muʻâvenet etmek 4-Vefeyât-ı etfâle karşı mücâdele teşkîlâtına iştirâk etmek 5-Emrâz-ı intâniye mücâdelâtında diğer Salîb-i Ahmerlerle teşrîk-i mesâʻî etmek 6-Şefkat hemşîrelerini yalnız hasta tedâvîsi için değil, hıfzıssıhha mesâilinde bir rehber ve bir mürebbî vezâifini îfâ edecek tarzda yetişdirmek ve kadın hastabakıcılarını etıbbâya muʻâvin olabi- lecek muktedir ve sâhibe-i maʻlûmât kadınlar meyânında intihâb ederek ücrâ köy halkının bunlar vâsıtasıyla muʻâvenet-i tıbbiye ve sıhhiyeden istifâdelerini taht-ı teʼmîne almak ve ahâlînin sıhhatini ve köylerle meskenlerin hıfzıssıhhasını nezâretlerine tevdîʻ etmek 7-Hıfzıssıhhaya müteʻallik maʻlûmâtın intişârını teşvîk etmek. Ve'l-hâsıl, hizmet-i askeriye erkekler için nasıl umûmî ve mecbûrî ise hastalığa ve sefâlete karşı mücâdeleyi kadınlar için umûmî ve mecbûrî kılmak. Bulgar Salîb-i Ahmeri, gerek harb ve gerek sulh zamânlarında âsâr-ı muvaffakiyeti ve âlâm-ı mâddiye ve maʻneviyeye karşı mücâdeleye elzem addetdiği tesânüd ve tekâfül-i ictimâʻî hislerini ve hukûk-ı gayra hürmet ve ebnâ-i beşere muhabbet gibi fezâil ve mezâyânın ümîd-i husûlünü ancak ve ancak kadının faʻâl ve nevvâr mesâʻî-i muʻâvenetkârîsinden intizâr etmekdedir. Bu esbâba binâen Bulgar Salîb-i Ahmeri emrâz ve sefâlet için açılacak mücâdelede büyük şef- kat ordusuna kadınların kayıd ve idhâlini kendisine teveccüh eden ilk ve ehem bir vazîfe olarak telâkkî etmekdedir. _______________ Lehistan Salîb-i Ahmeri Bilhâssa halk arasında Salîb-i Ahmer fikrini neşr u taʻmîm ve aʻzâ-yı faʻâle adedini müm- kün olduğu kadar tezyîd etmek maksadıyla sinîn-i sâbıkada olduğu gibi bu sene de Lehistan Salîb-i Ahmeri tarafından tertîb edilen "Salîb-i Ahmer Haftası"na reîsicumhûr beş milyon Lehistan frangı teberruʻ etmişdir.