HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 27 1045 Bazıları kulaklarında bir şelâlenin zemzemâtını, bazıları ayaklarında bir sıklet-i fevkalâdeyi ve bazıları dahi dimâğları üzerinde bir ağırlığı tasvîr edip hiçbiri ne bir elemi ne de bir adem-i huzûr-ı mâddîyi zikretmemekdedir. Yüksek kayalıklardan sükût eden bir gencin esnâ-yı sükûtunda hissetdiği şeyler kendisinden sorulduğu zamân: "-Sükûtum esnâsında ve ayaklarım toprağa değdiği dakîkada, hiçbir şey hissetmiyor idim" cevâbını vermişdir. Uçuruma yuvarlanan bir seyyâh da muʻallakda kaldığı dakîkaları şu sûretle tasvîr ediyor: "-Âheste yüzüyorum zann-ı latîfi ile meşhûn idim. Vücûdum ancak kayalara çarpdıkdan sonra kendimden geçdim ve fakat hiçbir vecaʻ hissetmedim. Son dakîkadaki tefekkürâtım ise, mevtin bu kadar latîf bir şey olduğunu şimdiye kadar [74] idrâk etmemekliğim olmuşdur". Harb-i Umûmî'de ağır sûretde mecrûh düşen birçok kimselerin ekserîsi bir tazyîk-ı hafîf ve zaʻîfden başka bir şey hissetmediklerini beyân ediyorlar. El-hâsıl meşâhîrden birçok zevât hâtime-i hayâtlarının bilâ-ıztırâb vürûd etdiğini son sözleriyle ızhâr etmişlerdir. İngiliz tabîbi Hunter, vefâtından birkaç dakîka evvel: "-Bir kalemi tutmak kudretine mâlik olsa idim, ölümün ne kadar kolay ve ne kadar latîf bir şey olduğunu yazmak için elime alır idim" demişdir. Dem-i ihtizârı tâm iki gün devâm eden ve derece-i harâreti yükseldikçe dört kişi tarafından muhâfaza edilen Bestekâr-ı şehîr Auber, hiç hüzün ve ıztırâb âsârı göstermeden lâ-yenkatıʻ besteledi- ği parçalardan ve Schiller kitâblarından bahsetmişdir. Beethowen ölürken getirdikleri iki şişe eski şarâb için: "-Pek geç!" sözünü mırıldanmış ve Lord Byron ve Alfred de Musset'nin son sözleri: "-Şimdi, bir hâb-ı nûşîne dalmak istiyorum" olmuşdur. Kudemâ, ölümün mûcib-i telâş ve heyecân bir şey olmadığını bizlerden ziyâde takdîr ve onu "hâher-i hâb" olarak telâkkî etmişlerdir ve aynı fikre tevdîʻ-i nefs eden Diyojen ise ölürken istifsâr-ı hâtır edenlere: "-Bir birâder diğerini der-âğûş edecekdir" cevâbını vermişdir. ( İsviçre Salîb-i Ahmer Mecmûʻası ) HİLÂL-İ AHMER SEMT TEŞKÎLÂTI (Geçen numaradan mâbaʻd) Nişantaşı'nda Teşvikiye'de Mahlıyan Apartmanı'nda 3 Ahmed Bey 25 Nişantaşı'nda Teşvikiye'de Mahlıyan Apartmanı'nda 7 Doktor Nureddin Bey 50 Nişantaşı'nda Teşvikiye'de Mahlıyan Apartmanı'nda 5 Mösyö Mahlıyan 10 Nişantaşı'nda Teşvikiye'de Gotis Apartmanı'nda 4 Madam İstirasi 20