HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1550 [410] Hilâl-i Ahmer'i Unutma! En müşkil zamânlarda yaranı saran, hastalığına bakan, açlık zamânında seni bir sıcak çay veyâhûd çorba ile doyurmaya çalışan, esâret zamânında mektûblarını ve emânetlerini nakleden ve sana mümkün olan muʻâveneti yapan, ihtiyâc vaktinde seni giydirip hayâtını hıfz eyleyen, en elîm zamânlarında senin imdâdına koşan ve seni dü- şünen Hilâl-i Ahmer'i unutma. Onu sev ve sevdir. Ona zahîr ol. Çünkü Hilâl-i Ahmer senin ve hepimizindir! İzmir Hilâl-i Ahmer Gazetesi İzmir'de cerâid-i yevmiyenin intişâr etmediği günlerde İzmir Hilâl-i Ahmer Merkezi tarafından cemʻiyetin menfaʻatine neşrolunan Hilâl-i Ahmer gazetesi geçen Temmuz'un yirmi üçünde 62'nci nüshasıyla hidemât-ı neşriyesinin ikincisine dâhil bulunuyor. Zengin mündericâtla intişâr etmekde olan refîkimize muvaffakiyet ve tûl-i ömür temennî ederiz. _______________ SALÎB-İ AHMERLER HAVÂDİSİ Japonya Gençlik Salîb-i Ahmeri Japonya Gençlik Salîb-i Ahmeri târîh-i teʼsîsi olan 1922 senesinden beri pek büyük inkişâfa mazhar olmuşdur. Japonya Gençlik Salîb-i Ahmeri, 944 zümreyi teşkîl eden 212.000 aʻzâdan mürekkeb olup Avusturya, Lehistan, Sırbistan, İngiltere, Amerika, Fransa, İsveç mektebleri ile muhâbere etmekde ve Belçika vesâire memleketlerin mekâtibi ile de teʼsîs-i muhâbere zemîni[ni] ihzâr eylemekdedir. Bu şuʻbenin şimdiye kadar faʻâliyeti vesâit-i münâkalenin taʻmîr ve muhâfazasına yardım et- mek ve meʻâbid civârının nezâfet ü tahâretine nezâret eylemek ve cemʻiyete karşı herkesin vazîfesini daha iyi anlatmak için umûma konferans ve musâhabeler tertîb etmekden ibâret idi. Tokyo'yu tahrîb eden zelzelede tekmîl Gençlik Salîb-i Ahmeri mevâkiʻ-i felâkete şitâb ederek mesâibzedegâna yardım etmiş ve mıntıka-i felâket hâricinde bulunanlar da hedâyâ ve ale'l-husûs mekteb refîklerinin uzun müddet taʻtîl-i dürûs etmemeleri için levâzım-ı kırtâsiye ve kitâb gibi şeyler göndermişlerdir. _______________ İtalya Salîb-i Ahmeri Geçen Kânûn-ı Sânî'de İtalya Salîb-i Ahmeri Japonya Salîb-i Ahmeri'ne hareket-i arza mukâ- vemet edecek bir tarz-ı mahsûsda inşâ edilmiş çivisiz on aded ev teberruʻ eylemişdir. İşbu teberruʻ edilmiş evlerin bir numûnesi Messina'da vukûʻ bulan zelzelelerde metânet-i lâzımeyi hâiz olduğu bi't-tecrübe sâbit olmuşdur. _______________