HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1551 Sırbistan Salîb-i Ahmeri Sırp-Hırvat-Slav Salîb-i Ahmeri nâmını alan Sırbistan Salîb-i Ahmeri'nin vâsıta-i neşriyâtı olan mecmûʻanın geçen Mayıs nüshasında tesâdüf etdiğimiz maʻlûmâta nazaran bütün Sırbistan dâhilinde "Salîb-i Ahmer Eyyâmı" addedilen 1923 Haziranı'nın sekizinci, dokuzuncu ve onuncu günlerindeki satış, temsîl, teberruʻ vesâire hâsılâtı 1.466.919,10 dinara bâliğ olmuşdur. _______________ MUKTEBESÂT Pazarcık'da münteşir Romanya refîkimizden: "-Türkiye muhâcirîn-i İslâmiyesi'ne iʻâne olarak 66.685 ley gönderildi. Pazarcık Hilâl-i Ahmer İʻâne Heyʼeti'nden; 27 Temmuz [1]924 Kurbân Bayramı münâsebetiyle Hacıoğlupazarcığı sancağında Hilâl-i Ahmer nâmına toplanan 686 koyun derisi bi'l-müzâyede 62.987 leye ve bir dana derisi dahi 210 leye satılıp hâsıl olan yekûna kasaba ve köylerden deri bedeli olarak gelen 5.317 ley dahi ilâve edildiğinde bütün kurbân iʻânesi hâsılâtı 68.514 leye bâliğ olduğu tezâhür eder. Bu meblağdan kurbân derilerini toplamak husûsun- da vukûʻ bulan masârıf 320, koçan ve iʻlân masrafı olan 250 ley ve önce, müzâyede bidâyetinde hükûmet taksası komisyonca ödenmesi müzâyedeye iştirâk edeceklerle komisyon arasında takarrür eylemiş bulunduğundan Mâliye Müdüriyeti'ne verilen kaydiye bedeli 630 ve cifra afaceri 630 ley baʻde't-tenzîl kalan 66.685 ley Türkiye Cumhûriyeti'nin Bükreş Sefâreti vesâtatıyla merciʻ-i âidine gönderilmişdir. Kurbân Bayramı münâsebetiyle muhâcirîn için Hilâl-i Ahmer nâmına iʻâne iʻtâsına müsâraʻat eden ahâlî-i İslâmiye'mize çok teşekkürler eder ve harman sonuna doğru bütün sancağımız ahâlî-i İslâmiye'sinin hükûmet-i âdilemizce müsâʻade edilen bu iʻâneye iştirâklerini ricâ ederiz". _______________ Sineklerin Tekessürü Sıcaklar hissedilmeğe başlayınca sinekler meskenlerimizi istîlâ eder, yiyeceklerimize, yatakla- rımıza, aʻzâ-yı vücûdumuza konar ve her tarafda uçuşurlar. Pislikde, gübrede, âbdesthânelerde, tefessüh etmiş etlerde ve hâl-i tefessühde bulunan sâir bi'l-cümle mevâdda doğan bu haşerât her dakîka yine bunlar üzerine avdet eder ve buralara yumur- talarını bırakırlar. Sürfeleri ancak buralarda neşv ü nemâ bulur. Sonra, kondukları her yerde kanâd- larının hortumlarını uzatırlar ve evvelce topladıkları levs ve murdârlığı ve mikrobları etrâfa saçarlar. Sinekler vâsıtasıyla intişâr eden emrâz meyânında tifo, verem, çocuk ishâli, kolera, dizanteri, mütekayyıh göz ağrıları, hummâ-yı kulâʻî [412] ve emsâli zikrolunabilir. Sinek ancak birkaç gün yaşayabildiği hâlde kendisine müsâʻid olan aylarda şâyân-ı hayret bir kesretle hayât-ı yek-rûzesini telâfî eder. Tabîʻiyyûndan Amerikalı Mösyö Havard'ın yapdığı bir hesâba göre 15 Nisan'dan 30 Eylül'e kadar bir sinek diğer sineklerin dokuz batnını tevlîd etdiğini ve her batın ve nesil tamâmen neşv ü nemâ buldukdan sonra bir mevt-i tabîʻî ile öldüğü farz edildiği takdîrde aynı sinek müddet-i mezkûre zarfında 335 trilyon 923 milyar 200 milyon sinek hâsıl etmiş oluyor.