HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1552 Bu dokuz batnın hesâbını Mösyö Havard şu sûretle yapıyor: Aded Birinci batın 2 İkinci batın 120 Üçüncü batın 7.200 Dördüncü batın 432.000 Beşinci batın 25.920.000 Altıncı batın 1.555.200.000 Yedinci batın 93.312.000.000 Sekizinci batın 5.598.720.000.000 Dokuzuncu batın 335.923.200.000.000 Mösyö Henry Omeran'ın yapdığı diğer bir hesâba nazaran işbu 336 trilyon sinek yanyana vazʻ edilecek olursa 3.360 milyon kilometre yani arzdan güneşe kadar olan mesâfenin yirmi mislinden fazla bir tûl teşkîl edermiş. Bereket versin, sineklerin yarasa, kuşlar, örümcekler, yaban arıları vesâir birçok haşerât ve biz- zât insân olmak üzere düşmanları vardır. Sineklere karşı mücâdelede her fırsatdan istifâde edilmelidir. Yiyeceklerimizi sineklerden muhâfaza etmeli ve müstaʻmel pansuman ve oturak gibi mikrob alabilecek şeyleri saklamalı ve bı- rakdıkları sürfeleri imhâ için gübrelerle müzahrafâta kireç suyu dökülmelidir. İsviçre Salîb-i Ahmer Mecmûʻası _______________ Fen ve İzdivâc Geçen nüshamızda Hilâl-i Ahmer'in reîs-i fahrîsi ve bilfiʻl reîs-i sânîsi Müderris Doktor Besim Ömer Paşa'nın Nüfûs Mesʼelesi unvânlı eserini bu sütûnlarda tahlîl etmiş idik. Bu defa nüfûs mesʼe- lesiyle alâkadar olan izdivâcdan ve izdivâcın fen ile olan alâkasından bâhis Fen ve İzdivâc nâmındaki eseri hakkında birkaç söz söyleyeceğiz. Eserin mukaddimesinde Müderris Doktor Besim Ömer Paşa, âile ve binâenaleyh bünye-i ic- timâʻiyenin esâsı olan izdivâc mesʼelesini tedkîk eder iken fennin izdivâc üzerindeki teʼsîrâtından bahsederek: "-İzdivâc, fen nazarında mukaddes ve âlî bir müessesedir. Fen, dîni taʻkîben yâhûd onunla mü- tevâziyen ve belki ileride daha müsmir ve müessir olmak üzere izdivâcı taht-ı nezâret ve himâyetinde bulunduruyor. Hiç şübhe yokdur ki, fen kâffe-i edyân ile birlikde insânda kaba cihâtı, hayvânî sâika-i tabîʻatı izâleye muktedirdir. Fennin bu kadîm kânûn-ı tabîʻîye karşı mücâdelesi ve bu bâbda istihsâl eylediği muzafferiyât, bir gün ahlâkî evsâfı da ihrâza lâyık olduğunu gösterecekdir. Tenâkehû, tenâ- selû… emr-i münîfindeki her türlü şerâit-i maʻneviye ve ictimâʻiyeyi taʻyîn ve tebyîn eden şerʻ ve dînin tahaffuzunu görmek istediği ahlâkî, mâlî ve ictimâʻî küfüve fen ve hikmet bugün bir kifâyet-i bedeniye ve bir kifâyet-i sıhhiyenin ilâvesi lüzûmunu göstermekdedir" diyor.