HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 37 1612 1914 muhârebelerinde İsviçre bî-taraf kalmış ve memleketi her türlü tecâvüzden masûn bulunmuş- dur. Yani İsviçre'nin bî-taraflığı diğer hiçbir devletin bî-taraflığı ile kâbil-i kıyâs değildir. Bütün bu mülâhazâta rağmen Salîb-i Ahmer nüfûzunu ellerine almak isteyenler iddiʻâlarını değişdirmiyorlardı. Büyük ve âlem-şümûl politika taʻkîb eden herhangi bir devletin Beynelmilel Salîb-i Ahmer Komitesi'nde ahz-ı mevkiʻ etmesi bîçâre mecrûh ve merzâ-yı askeriyenin, üserânın ve düşman eline düşen sivil ahâlînin menâfiʻ-i hayâtiyesi için hakîkî bir tehlike teşkîl eder. Harb-i Umûmî bize me- deniyet yaldızı ile parlayan büyük milletlerin harb ile gözleri kızardığı gibi her türlü vahşeti irtikâb etdiklerini isbât etmedi mi? Makâsıd-ı iktisâdiye ve siyâsiyeleri için milyonlarca milletin hayâtını fedâdan çekinmeyen insânların rûhunda, insâf kelimesiyle ifâde olunabilecek en küçük bir müessire bile yer bulunmuyor. Bunların söyledikleri, yazdıkları hep kizb ü riyâdan ibâretdir. Hâlbuki bîçâre halkın ıztırâbâtı müsbetdir. Yaralıların, hasta askerlerin ve esîrlerin menâfiʻ-i hayâtiyesi bunların eli- ne bırakılamaz. İnsânların vahşî hissiyâtları hâkim olduğu zamânlarda İsviçreliler kendilerine tevdîʻ edilen Salîb-i Ahmer vezâfini bir nâmûs-ı millî gibi telâkkî ederek imkân dâiresinde bî-tarafâne bir sûretde îfâ etmişlerdir. Geçen altmış sene ve bâ-husûs Harb-i Umûmî buna şâhid olmuşdur. İşte bu mülâhazâta binâendir ki, Türkler Cenevre'deki Beynelmilel Salîb-i Ahmer Komitesi'nin idâmesini şiddetle müdâfaʻa etmiş ve etmekdedir. Lig'in maksadıyla Hilâl-i Ahmer'in teklîfi yekdiğerine tamâmıyla zıd idi. Bu sebebden şiddetli münâkaşât vukûʻa geldi. Nihâyet komisyon vasatî bir sûret-i hal aramak mecbûriyetinde kaldı. Bu şekilde Beynelmilel Salîb-i Ahmer Komitesi kemâ fi's-sâbık kalacak, gerek esnâ-yı harbde ve gerek sulh zamânı tamâmıyla bî-taraf bir heyʼetin delâletini îcâb etdiren bütün mesâil ile iştigâl edecekdi. Diğer tarafdan Lig'in şimdiki şekli değişdirilecek idi. Fi'l-vâkiʻ Lig'in kendine mahsûs bir umûmî meclisi, onun tahtında bir müdîrân meclisi vardı. Meclis-i umûmî, Salîb-i Ahmerler Kong- resi'nin hâricinde idi. Bu meclislerin kaldırılmasını taht-ı karâra aldı. Yalnız bir Beynelmilel Salîb-i Ahmer Konferansı bulunacak ve her bir teşkîlât ondan çıkacakdı. [4] Lig bu sûret-i halden hiç de memnûn kalmamışdı. Ekseriyete karşı mutâvaʻatkâr görün- mekle berâber yine âmâline vusûl maksadıyla kendi fikrine tarafdâr olanlardan mürekkeb bir heyʼet-i tahrîriye teşkîl etdirmeğe çalışdı. Lâkin komisyon bunu kabûl etmedi. Beş kişiden ibâret olan heyʼet-i tahrîriyeden Hilâl-i Ahmer fikrinin müdâfiʻi olan âcizlerini de intihâb etdi. Heyʼet-i tahrîriye bir buçuk ay sonra yani 12 Kânûn-ı Evvel 1923'de Paris'de toplandı. Çetin münâkaşâtdan sonra vasatî bir şekl-i hal teşkîl eden bir proje meydâna getirdi. Lig bundan memnûn olamazdı. Hattâ bu şekle bizim sûret-i hallimizin müreccah olduğunu bazı aʻzâları söylemişlerdir. Nihâyet Colonel Olds bir muhtıra vererek projeye iştirâk etmediğini bildirdi ve bunun ekseriyet pro- jesiyle berâber tevzîʻini teklîf etdi. Komisyon beyânât-ı âcizânemin de aynı sûretle tevzîʻine karâr vererek ayrıldı. Heyʼet-i tahrîriyenin projesini tedkîk için mütâlaʻa komisyonu yine bir buçuk ay sonra toplandı. 19 Kânûn-ı Sânî 1924 Paris İctimâʻı'nda Ahmed İhsan Bey bulunmuşdur. Komisyon pek küçük bazı taʻdîlât yaparak heyʼet-i tahrîriyenin projesini üç reʼy-i muhâlife mukâbil on bir reʼy ile kabûl etdi. Bu muvaffakiyetin istihsâlinde Ahmed İhsan Bey'in pek ciddî teʼsîri olmuşdu. Lig memnûn değildi. 1 Şubat târîhinde proje bütün Hilâl ve Salîb-i Ahmerlere tevzîʻ edildi. Colonel Olds'in muhtırası benim Hilâl-i Ahmer fikrini müdâfaʻa eden beyânâtım da zeylen gönderiliyordu. Mesʼele halledilmiş addolunabilirdi. Maʻatteessüf on birinci konferans karâr-ı nihâî