HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 37 1618 ictimâʻiyenin teʼsîrât-ı irsiyesi de munzam oluyor. O sûretle ki, ensâl-i cedîdeye yaş taʻyîni husûsun- da müşkilât çekildiği gibi âile ve yuva teşkîl edeceklerine de şübhe ediliyor. Ensâl-i cedîdenin kuvvetli, gürbüz, tâmmu's-sıhha ve'ş-şuʻûr olması, dâimâ tekâmül etmesi bu- gün cümlemizin taʻkîb edeceği bir siyâset olmalıdır. Anadolu'da hemen her köy ve kasabada genç- lerin mütemâdiyen evlenmesi ve her gün ve hafta düğün ve kına gecesi olması, köylü annelerimizin birbiri ardınca loğusa olmasına rağmen nüfûs-ı umûmiyemizin ehemmiyetli sûretde tenâkus etmesi nüfûs siyâsetinde olduğu kadar evlenmek usûl ve teʻâmüllerimizde daha esâslı ve müsbet bir vazʻi- yet almaklığımızı emretmekdedir. Fi'l-hakîka nüfûs-servet siyâseti, işleyen eller üzerine müessesdir. Nüfûsun adedi bir memleketde çoğaldıkça servetin tezâyüd edeceği muhakkak ise de bu siyâsetin dâimâ müsbet netîce vermesi nüfûsda kemmiyete mukayyed işleyen ellerin mütezâyid olması iktizâ eder. Bir cemʻiyet-i beşeriyede işleyen ellerin (müstahsil) nisbeti yiyen ağızlardan (müstehlik) pek çok olmalıdır ki, o memleket ve millet servet sâhibi ve refâha mazhar olsun. Nüfûsun ekseriyetini müstehlik sınıf teşkîl ederse o kalabalığın cemʻiyet-i beşeriyeye yâr de- ğil, bâr olacağı muhakkakdır. Harb-i Umûmî netîcesinde bir milyon işsize tesâhub eden teşkîlâtı ve ictimâʻiyâtı kavî bir hükûmet bile son günlerde ehemmiyetli vekâyiʻ karşısında kalıyor ve nüfûsun sâdece müstehlik kısmı yüzünden tehlikeler geçirecek gibi görünüyor. Nüfûsun nâfiʻ ve semeredâr olması için dimâğın sâlim ve sahîh, vücûdun kavî ve mütekâmil olması lâzımedendir. Sıhhat ü selâ- met-i fikirden ârî bir bünyenin cemʻiyet-i beşeriye üzerine bir yük olacağı ve mütemâdiyen hastahâ- ne, nekâhethâne, tımârhâne gibi müessesât-ı ictimâʻiye [11] teşkîlâtı isteyeceği gayr-ı kâbil-i inkârdır. Bizde âile teşkîlâtında kadîmden beri teʻâmül olan bir vazʻiyet de iç güvey, dış gelin mesʼelesi- dir. Birçok âileler kızları için hâricde yuva teşkîline râzı olmadıkları gibi bir kısım erkekler de mün- ferid, hür ve serbest bir yuva ihdâsına cesâret edemedikleri görülüyor. Bu husûsâta büdce, hissiyât, âile nüfûsunun kemmiyeti, terbiye-i münferide ve ictimâʻiyenin keyfiyeti gibi esbâb da icrâ-yı teʼsîr etmekden hâlî kalmaz. Günün birinde iç güveyin emvâl-i menkûlesini alarak hâricde bir mesken tedârüküne çalışdığı, dışarıya çıkan gelin hanımın da ebeveyninin koynuna ilticâ etdiği görülmesi vekâyiʻ-i rûz-merredendir. El-hâsıl nüfûs siyâsetinde olduğu gibi teehhül siyâsetinde de müsbet bir vazʻiyet alarak bazı esâsâta tebaʻiyet etmek mecbûriyetindeyiz. Asr-ı hâzırın îcâb etdirdiği bazı kuyûdât bilhâssa yeni yetişen nesil üzerinde bir kanûn mâhiyetinde icrâ-yı hükm edecek gibi görünüyor. Binâenaleyh ictimâʻî kânûn hükmünde olan şerâit-i âtiye her evlenecek gencin kulağında küpe olmalıdır. Zevcinin tâmmu's-sıhhâ ve'ş-şuʻûr olması, kadının 20-25, erkeğin 30-35 yaşlarına vâsıl olması, evlendikleri andan iʻtibâren ayrı bir yuva teşkîl etmeleri, âilenin refâh u saʻâdetini teʼmîn edecek bü- dcenin tarafeyn cânibinden ihzâr edilmesidir. Hilâl-i Ahmer'i Unutma! En müşkil zamânlarda yaranı saran, hastalığına bakan, açlık zamânında seni bir sıcak çay veyâhûd çorba ile doyurmaya çalışan, esâret zamânında mektûblarını ve emâ- netlerini nakleden ve sana mümkün olan muʻâveneti yapan, ihtiyâc vaktinde seni giydi- rip hayâtını hıfz eyleyen, en elîm zamânlarında senin imdâdına koşan ve seni düşünen Hilâl-i Ahmer'i unutma. Onu sev ve sevdir. Ona zahîr ol. Çünkü Hilâl-i Ahmer senin ve hepimizindir!