HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 37 1620 [13] Sultanahmed Câmiʻ-i Şerîfi iç avlusunda Hilâl-i Ahmer satış sergisi menâzırından Vue de lʼexposition de vente du C.R.T. organisée dans la Cour de la Mosquée de Sultan Ahmed Dumlupınar'da Hilâl-i Ahmer Heyʼeti Dumlupınar'da Başkumandanlık Muhârebesi'nin sene-i devriyesini tesʻîd etmek ve aynı zamân- da Mechûl Asker Âbidesi'nin vazʻ-ı esâs resminde hâzır bulunmak üzere Hilâl-i Ahmer Merkez-i Umûmîsi nâmına Reîs-i Sânî Doktor Âkil Muhtar Bey ile merkez-i umûmî aʻzâsından Hakkı Şinasi Paşa ve Nesib Bey intihâb ve iʻzâm kılınmış ve Hilâl-i Ahmer Cemʻiyeti nâmına Doktor Âkil Muhtar Bey şu nutku îrâd etmişdir: "-Gâzî Paşa hazretleri! Azîz vatandâşlar! Hilâl-i Ahmer Cemʻiyeti bizi buraya Türklüğü ölümden kurtaran büyük insânlara minnetdârlığı arz için gönderdi. Benden evvel söz alan âteşîn hatîblerden sonra ifâdemin derece-i şükrânını kâfi sûretde beyân edemeyeceğini görüyorum. Bundan dolayı hissiyâtımızın pek derîn olduğunu söyle- mekle iktifâ edeceğim. Yalnız yakın bir mâzînin müdhiş ve elemnâk olan hâtırâtı ve bizi kurtaranla- ra minnetdârlığımızı aslâ unutmamak lüzûmunu ilâve ederim. Bir de rüfekâmdan birinin Türklerin büyük mezâyâsı meyânında yalnız birine işâret etdiğini gördüm. Emînim ki, milletimiz her sâhada, fen ve sanʻatda en müterakkî milletlerin derecesine vâsıl olmak için lâzım gelen bi'l-cümle mezâyâ ile muttasıfdır. Dehâlarıyla bizi ihyâ ve Türklere pek parlak istikbâl küşâd eden mücâhidînin fende ve sanʻatda milleti sürʻatle terakkîye îsâl edeceklerine kanâʻatim lâ-yetezelzüldür. Milletin ancak bu sâyede bir daha tehlikeye maʻrûz olmayacağı katʻîdir. Muvaffakiyet-i milliyemizin rûhu olan Büyük Gâzî'mize ve onun etrâfındaki mücâhidîn-i âliyeye cemʻiyetimizin hürmet ve minnetdârlıklarını arz ile bu uğu [14] rda fedâ-yı cân eden şühedâya fâtihalar ithâf ederim. Yaşasın Millet! Yaşasın Ordu! Yaşasın Cumhûriyet!" _______________