HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 37 1621 Merkez-i Umûmî Mukarrerâtı Hâl-i harb için iki sâbit ve iki seyyâr hastahâne malzemesinin şimdiden tefrîk u ihzâr edilerek keyfiyetden sıhhiye-i askeriye heyʼetinin haberdâr edilmesi karârgîr olmuşdur. Himâye-i Etfâl tarafından idâresi derʻuhde edilmiş olan süt damlasına sene-i sâbıka misillü iki bin liralık kredi küşâdı karârgîr olmuşdur. Siverek, Sultanhisar, Karapınar, Mamuretülaziz, Kocaeli Hilâl-i Ahmer şuʻabâtında mücedde- den ve sene-i cedîde münâsebetiyle yapılmış olan mazâbıt-ı intihâbiye tedkîk ve usûlüne muvâfık görülerek tasdîk edilmişdir. Gürcü kolonisine yüz elli lira muʻâvenetde bulunulması karârgîr olmuşdur. Berây-ı tedâvî Avrupa'ya azîmet etmiş olan Hilâl-i Ahmer Reîs-i Sânîsi Doktor Besim Ömer Paşa'ya bilâ-müddet meʼzûniyet iʻtâsı karârgîr olmuşdur. _______________ Makriköy Baruthânesi'ndeki İştiʻâl 30 Ağustos sabâhı sâʻat sekiz buçuğu beş geçe bütün İstanbul âfâkını sarsan Makriköy Barut- hânesi infilâkını müteʻâkib Hilâl-i Ahmer Cemʻiyeti hasta nakline mahsûs kamyonetleri, eczâ ve pan- suman âlâtı ve sedyeleri ile felâketzedelerin imdâdına şitâb ederek ilk imdâd ve muʻâvenet vazîfesini yapmışdır. _______________ Muhâcirîn Teşekkür Ediyor. "-Altay vapuruna Selanik'den irkâb olduğumuzdan beri ahvâl-i sıhhiyemizle ciddiyetle alâka- dâr olarak gerek hastaların tedâvîsi ve gerek kendilerinin iʻâşesi ve emzikli kadınlara konserve tevzîʻi sûretiyle muʻâvenet eden Hilâl-i Ahmer'e ilelebed minnetdâr kaldığımızı ve meʼmûrînine dahi ibrâz etdikleri nezâkete karşı ayrıca teşekkürâtımızı takdîm ederiz. Kesriye'nin Lihisne Karyesi Heyʼet-i Muʻâvinesi Mustafa Kâzım Karaferye'nin Gazhane Mahallesi'nden Hüseyin İbrahim Kesriye'nin Mavrova Karyesi Heyʼet-i Muʻâvine[si] nâmına Hakkı Emin İsmail Hakkı" _______________ Kazâdan Kurtulan Bir Meʼmûrumuz Hilâl-i Ahmer'in kıymetli meʼmûrîninden Hayreddin Bey, Kilya'da İngilizlerden müntakil eş- yânın esnâ-yı sevkinde büyük bir kazâ geçirmişdir. Çanakkale'de münteşir Örnek refîkimiz 28 Temmuz [1]340 [1924] târîhli nüshasında işbu kazâ- yı fecîʻ hakkında âtîdeki tafsîlâtı veriyor: