HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 37 1624 Aʻzâ: Doktor Ziya Hakkı Bey Aʻzâ: Müftüzâde Hüseyin Efendi Aʻzâ: Muhâmîlerden Kemal Şekib Efendi Aʻzâ: Tevfik Efendizâde Sıdkı Efendi Aʻzâ: Direkçizâde Tahir Efendi Aʻzâ: Kadızâde Cevdet Efendi _______________ Eskişehir Hilâl-i Ahmer anbârları muhâsebeciliğini muvakkaten idâre etmekde olan Emin Şu- miç Bey merkez-i umûmî muhâsebesine nakl-i vazîfe eylemişdir. Eskişehir Hilâl-i Ahmer anbârları şuʻbe meʼmûrlarından Remzi Bey, Çırağan deposu meʼmûr- luğuna ve mûmâileyh yerine de mezkûr depo meʼmûru Ramiz Bey taʻyîn edilmişdir. _______________ Cava Hilâl-i Ahmer Komitesi Felemenk Hindistanı'nda kâin Cava'ya merbût Surabaya ahâlî-i İslâmiyesi tarafından bir Hilâl-i Ahmer komitesi teşekkül ederek riyâsetine M. V. Patel Efendi intihâb edilmişdir. Bu defa Surabaya Hilâl-i Ahmer Komitesi, Hilâl-i Ahmer menfaʻatine derc etmiş olduğu 1.160,10 İngiliz lirasını, Gâzî Mustafa Kemal Paşa nâmlarına keşîde eylediği bir çek ile Türkiye General Konsolosu [17] Refet Bey vâsıtasıyla Hilâl-i Ahmer'e göndermişdir. Mecmûʻamız, Surabaya dîn kardeşlerimiz ile Hilâl-i Ahmer komitesine arz-ı teşekkür ve teveccühlerinin tevâlîsini temennî eder. _______________ § Selanik heyʼeti etıbbâsından Mustafa Bey'in vukûʻ-ı istiʻfâsına binâen yerine Doktor Enver Bey taʻyîn edilmişdir. § Vazîfesi hitâm bulan Kayalar Heyʼet-i İmdâdiyesi ilgâ edilmişdir. § Selanik İmdâd Heyʼeti'nin ehemmiyetine binâen mülgâ Kayalar İmdâd-ı Sıhhî Heyʼeti Serta- bîbi Doktor Sâib Bey berây-ı muʻâvenet mezkûr heyʼete iltihâk etdirilmişdir. § Gülhane Misâfirhânesi Hastabakıcısı Mükerrem Hanım'ın vukûʻ-ı istiʻfâsına binâen yerine Hastabakıcı Hemşîre Pakize Hanım taʻyîn edilmişdir. § Kalikratya'da muhâcirîn etfâl arasındaki sefâlet-i fisyolojiye ile mücâdele etmek üzere ma- hall-i mezkûrdaki dispanser emrine mikdâr-ı kâfi patates, pirinç, şeker ve süd hulâsası verilmişdir. § İnhilâl eylemiş olan vapur tabâbetine binbaşılıkdan mütekâʻid Doktor Kâmil Bey ve hastaba- kıcılığına Hüseyin Efendi taʻyîn edilmişlerdir. § Samsun İmdâd-ı Sıhhî Heyʼeti Sertabîbi Fikri Bey'in âilevî maʻzeretine binâen istiʻfâsı üze- rine yerine mülgâ Kozana Heyʼet-i İmdâdiyesi Sertabîbi Hüseyin Kemal Bey taʻyîn edilip mahall-i meʼmûriyetine azîmet ve vazîfesine mübâşeret eylemişdir.