HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 37 1626 ile şuʻabâtı nazar-ı ehemmiyete alarak hükûmet-i mahalliye ve eşhâs-ı husûsiye nezdinde tekmîl nüfûz ve kuvvetlerini istiʻmâl edecek ve aʻzâ müddet-i müsâferetleri esnâsında nâil-i teshîlât olacakdır. Sâlifü'z-zikr iki Salîb-i Ahmer arasındaki muʻâvenet-i mütekâbile muzâheret-i mâliyeye şâmil olmadığından muʻâvenet-i mezkûre ancak Salîb-i Ahmerleri yekdiğerine rabt eden cihân-şümûl tesâ- nüdün tezâhürât-ı fiʻliyesine delâlet eylemekdedir. İʼtilâfnâmenin akdi münâsebetiyle İtalya Salîb-i Ahmeri Meclis-i Umûmîsi'nin 28 Haziran târîhli celsesinde Salîb-i Ahmer Cemʻiyetlerine bir ufk-ı cedîd küşâd eden işbu teşebbüsden dolayı Reîs Ciraolo'ya tebriğe karâr verilmiş ve Amerika Salîb-i Ahmeri dahi Ciraolo'nun teklîfini ittifâk-ı ârâ ile kabûl ederek bundan mütehassıl memnûniyetini müşârunileyhe iblâğ etmişdir. İʼtilâfnâme-i sâbıku'z-zikr diğer memleketler için de şâyân-ı imtisâl bir terakkîdir. _______________ Lehistan Salîb-i Ahmeri Lehistan hükûmeti ahîren Diyet Meclislerine takdîm etdiği bir lâyiha-i kânûniye ile oyun kâ- ğıdlarından alınmakda olan damga resmine Salîb-i Ahmer menfaʻatine % 50 resm-i munzam ilâvesini teklîf etmiş idi. Diyet Mecâlisi tarafından kabûl edilen işbu lâyiha-i kânûniye iktisâb-ı kânûniyet eylemiş ol- duğundan geçen Ağustos'un birinci gününden iʻtibâren Lehistan Salîb-i Ahmeri, resm-i munzamdan mütehassıl vâridâtı ahz eylemekdedir. _______________ İsveç Salîb-i Ahmeri İsveç Salîb-i Ahmeri Stockholm'de gâyet cesîm bir hastahâne inşâ etdirmekdedir. Hastahânenin bir kısmı hastabakıcıların terbiye ve tahsîline tefrîk edilecekdir. Masârıf-ı inşâiye on milyon Fransız frangı tahmîn edilmekdedir. _______________ Arjantin Salîb-i Ahmeri Arjantin Gençlik Salîb-i Ahmeri faʻâliyetine dâir neşredilen ilk raporda şimdiye kadar [19] teşekkül eden yüz elli zümrenin aʻzâsı kırk binden fazla bir yekûne bâliğ olduğu gösterilmekdedir. Arjantin Gençlik Salîb-i Ahmeri bazı Avrupa veAmerika mektebleri ile muhâberât teʼsîs etmişdir. _______________ Amerika Gençlik Salîb-i Ahmeri Ahîren neşrolunan istatistiklere nazaran Cemâhîr-i Müctemiʻa-i Amerika'da 30.439 mektebin 5.452.745 talebesi Gençlik Salîb-i Ahmeri aʻzâsı meyânında görülmekdedir. Geçen sene Gençlik Salîb-i Ahmeri'ne mukayyed mekteblerin adedi 23.558 ve talebe mikdârı 4.390.482 idi.