HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 38 1693 Fi'l-hakîka Harb-i Umûmî'den sonra nizâmnâme-i esâsîlerini taʻdîl eden Salîb-i Ahmer Cemʻi- yetleri sıhhat-i umûmiyenin ıslâhında, emrâz-ı ictimâʻiyeye karşı tedâbîr-i vâkıye ittihâzında, ız- tırâbât-ı beşeriyenin tahfîf ü teskîninde bir uzviyet-i mahsûsa olarak bazı vezâif-i sıhhiye-i mühim- meyi de derʻuhde etmiş oldukları kemâl-i menn ü şükrân ile görülmekdedir. Ulvî olduğu kadar nâfiʻ olan böyle bir programın mevkiʻ-i tatbîke vazʻında Salîb-i Ahmerler şübhesiz kendi unvân ve alâmetlerinden müstağnî kalamazlar. Ancak vakt-i sulhda icrâât-ı hayriyenin, bî-taraflığın medlûlü ve her türlü kuyûd-ı siyâsiye ve milliyeden âzâde bir istiklâliyet-i mutlakanın hem maʻnâ ve mefhûmu olmak lâzım gelen işâret ve alâmet-i mezkûrenin istismârât-ı gayr-ı meşrûʻaya ve bi'n-netîce sûistiʻmâle maʻrûz kalması da pek mühimdir. Zâten 1906 Cenevre Mukâvelenâmesi'nin muharrirleri işbu mukâvelenin 23'üncü mâddesini 1* hiçbir kayıd ile takyîd etmediklerinden millî Hilâl ve Salîb-i Ahmerlerden gayrı gerek resmî ve gerek husûsî hiçbir müessesenin, hiçbir teşkîlâtın, hiçbir uzviyet ve vâsıtanın işbu unvân ve alâmetleri is- tiʻmâl eyleyebilmeleri mevzûʻ-ı bahis olamaz. Gerçi Hilâl ve Salîb-i Ahmer unvân ve işâretlerinin ticâretde, reklâm mâhiyetinde istiʻmâl edil- melerine karşı bazı ahkâm vazʻ edilmiş ise de bunu [55] teʼmîn-i maksada gayr-ı kâfi gören ulemâ-yı hukûk yeniden bazı esâsât-ı hukûkiye taharrîsine mecbûr olmuşlardır. İşte bu cümleden olmak üzere Cenevre Beynelmilel Salîb-i Ahmer Merkez Komitesi Reîs-i Sânîsi Mösyö Paul Desgouttes'un pek büyük bir saʻy ve tedkîk mahsûlü olmak üzere Revue Internati- onale de la C.R. ile neşretdiği bir "kânûn numûnesi"ni ehemmiyetine binâen aynen iktibâs ediyoruz: "Birinci Mâdde Hâl-i seferberîde bulunan ordularda mecrûhîn ve hastagânın ıslâh-ı ahvâli için 6 Temmuz 1906 târîhinde tanzîm olunan mukâvelenâmenin 23 ve 27'[nci] mâddeleri ahkâmına tevfîkan beyâz zemîn üzerinde Salîb-i Ahmer alâmeti ve Salîb-i Ahmer yâhûd Cenevre Salîbi kelimelerinin gerek vakt-i sulhda gerek zamân-ı harbde istiʻmâli ancak mazhar-ı himâye olan berrî ve bahrî ordu teşkîlât ve müessesât-ı sıhhiyesine ve meʼmûrîn ve müstahdemîn ve levâzımı ile icrâ-yı muʻâvenet için resmen musaddak ve meʼzûn cemʻiyetlere mahsûs ve münhasırdır. İkinci Mâdde 1906 Cenevre Mukâvelenâmesi'nin onuncu mâddesinin birinci fıkrasında zikrolunan gönüllü muʻâvenet cemʻiyetleri sulh zamânında faʻâliyet-i şefkat-perverâneleri için Salîb-i Ahmer alâmetini istiʻmâle meʼzûndurlar. Üçüncü Mâdde Millî Salîb-i Ahmer Cemʻiyeti veya resmen musaddak ve meʼzûn gönül[l]ü muʻâvenet cemʻi- yetleri birinci mâddede zikrolunan alâmet ve kelimelerin istiʻmâl hakkını eşhâs-ı sâireye veya diğer müessesâta bahşedemezler. 1 * 23'üncü Mâdde: "Beyâz zemîn üzerinde Salîb-i Ahmer alâmeti ve Salîb-i Ahmer yâhûd Cenevre Salîbi kelimeleri sulh ve harb zamânlarında ancak mukâvelenâme mûcebince mazhar-ı himâye olan teşkîlât ve müessesât-ı sıhhiyeyi ve meʼmûrîn ve müstahdemîn ve levâzımı muhâfaza ve irâʼe için istiʻmâl olunabileceklerdir".