HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1725 Harb-i Umûmî'de vesâit-i muhtelife-i tahrîbin tatbîki cihetiyle mecrûh ve hastaların naklindeki müş- kilât ve her hâlde naklin sürʻat ve gayet mülâyemet ile icrâsındaki lüzûm ve ehemmiyet zikrediliyordu. İşte bu sırada idi ki, Beynel- milel Salîb-i Ahmer Komitesi erkâ- nından Mösyö Schlemmer, Fransa'da ağır hasta ve yaralıların naklinde hay- li zamândan beri tayyâre kullanıldığı ve son zamânlarda Fransa sıhhiye-i askeriyesinde bu bâbda mühim teş- kîlât-ı sıhhiyeye teşebbüs olunduğu ve tedâvîden sonra Paris'e azîme- timde arzu eder isem bu husûsda maʻlûmât-ı lâzıme almak üzere Sıh- hiye-i Askeriye Müdüriyeti'ne tavsi- ye eyleyeceğini söylemiş idi. Mesʼelenin memleketimizde gerek sıhhiye-i askeriyece ve gerek Sıhhiye Vekâletince ehemmiyetini nazar-ı dikkate aldığımdan Paris'e azîmetimde Mösyö Schlemmer'in tavsiyesiyle sıhhiye-i askeriye erkânından Doktor A. Vincent'i ziyâret eyledim. Doktor Vincent, âcizinizi Harbiye Nezâreti'nde silsile-i merâtib-i askeriyeye tevfîkan birçok etıbbâ ve ümerâ-yı askeriyeye ve o sırada bir sıhhiye tayyâresiyle Cenevre'den, üç-dört sâʻât evvel yapdığı konferansdan avdet eden Profesör Piqué'yi [75] takdîm ile hemen o günü onun refâkatinde tayyâre karârgâhını, daha doğrusu istasyonunu ziyâret edebilmekliğim müsâʻadesini istihsâl eyledi. Bordeaux'dan Paris'de tayyâre istasyonu olan Bourget'ye gelen bir sıhhiye tayyâresi. Sedyeye yakın ortada duran zâbit Müderris Doktor Piqué'dir. Un avion sanitaire venu de Bordeaux à Bourget. Mr. Le Prof. Dr. Piqué, en tenue militaire se trouve pres du brancard Doktor Chassaing'in ilk sıhhiye tayyâresi havâda tayerân ederken Premier avion sanitaire du Dr. Chassaing en plein vol