HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1733 başmakâlesi bu idi: "Artık Bundan Sonra Lugat Kitâblarından Dilsiz Kelimesini Tayyedebiliriz ve Ancak Sağır Kelimesini Bırakabiliriz". Bu serlevha, ilmin nutuksuzluğa galebe çaldığını ifâde eder. [83] Benami Efendi, İtalyan Sağır Dilsiz Cemʻiyetlerinin yüzüncü sene-i teessüsiyeleri münâ- sebetiyle Milano'da bir kongre ve birkaç ay evvel Paris'de beynelmilel bir sağır dilsiz kongresi top- landığını ve kendisinin dilsiz cemʻiyetleriyle muhâberede bulunduğunu söyledi. Dilsizlerin intihâb eyledikleri sanʻatlar ile intisâb eyledikleri meslekler mesʼelesi ayrıca şâyân-ı kayıddır. Şimdiye kadar dilsizler, hür mesleklerden yalnız ressâmlığa sâlik olagelmişlerdir. Benami Efendi, hür bir meslek olan dişçiliği tahsîl etmişdir. Fakat yaşından dolayı Alman Dârülfünûnu'ndan diploma alamamışdır. Alman sağır dilsiz gazetesi bu mesʼele hakkında ber-vech-i zîr idâre-i kelâm ediyor: '-Genç Benami, imtihân verip de dişçilik diplomasını almak için Alman Dârülfünûnu'na mürâ- caʻat etmiş ise de yaşının küçüklüğünden dolayı imtihâna kabûl olunmamışdır. Bu şeref, yani eski bir dilsize dişçilikden diploma vermek şerefi İstanbul Dârülfünûnu'na âid olacakdır. Zîrâ, Benami Türk tebaʻasındandır' diyor. Fi'l-hakîka pederi Doktor Markos Efendi, Türk tebaʻasındandır. El-yevm Benami Efendi, Türkçe, Fransızca öğreniyor ve bir dişçinin atölyesinde dişçiliğin tek- nik kısımlarıyla iştigâl ediyor ve dişçi mektebimizde imtihân vermeğe hâzırlanıyor. Bu makâleyi yazmakdan maksad, bu mesʼele hakkında Maʻârif Vekâleti ile Şehremâneti'nin na- zar-ı dikkatlerini celb etmek içindir. Terakkî yoluna girmeğe azmetmiş olduğumuz bu devirde zavallı dilsizlerin ihmâl edilmemesi lâzım geleceği ve nice âilelerin mesʻûd edileceği bedîhîdir. Bu husûsda yapılacak şeyler, ilim dâiresinde olur ise, muvaffakiyet muhakkakdır. Alâkadâr mehâfil-i ilmiyemiz, arzu ederler ise bu eski dilsizi görebilirler. Avram Galanti" HİLÂL-İ AHMER HASTABAKICI MEKTEBİ TAʻLÎMÂTNÂMESİ Mukaddime Mâdde 1- Türkiye Hilâl-i Ahmer Cemʻiyeti, hastabakıcı yetiştirmek ve yetişenlerin bu meslek- de îfâ-yı hizmet etmelerini teʼmîn eylemek üzere Hilâl-i Ahmer Hastabakıcılığı Mektebi ve Yurdu teʼsîs etmişdir. Hilâl-i Ahmer Hastabakıcılığı Mekteb ve Yurdu, Hilâl-i Ahmer dâimî hastahânesi teessüsünde oraya rabt ve ilhâk edilecekdir. Heyʼet-i İdâre ve Tedrîsiye Mâdde 2- Mekteb ve yurdun idâresi Hilâl-i Ahmer Cemʻiyeti'nin hâsılât-ı umûmiyesinden tefrîk edilecek mebâliğ ve âtiyen hastahâneden alınacak ücûrât ve ashâb-ı hayr u hasenât tarafından bu müesseseye hastabakıcılık gâyesini tervîc için vâkiʻ olacak teberruʻât ve yetişen hastabakıcıların hizmetlerinden hâsıl olacak vâridât ile teʼmîn edilecekdir.