HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1734 Mâdde 3- Heyʼet-i idâre, ikisi hanım olmak üzere yedi aʻzâdan terekküb eder. Bu heyʼetin beş erkek aʻzâsı merkez-i umûmî ve iki hanım aʻzâsı hanımlar merkezi tarafından intihâb olunur. Muʻal- limler lüzûmunda berây-ı istişâre bu heyʼet ictimâʻâtına daʻvet olunurlar. Heyʼet aralarından birini reîs intihâb eder. Heyʼetin umûr-ı hesâbiyesi merkez-i umûmî muhâsebesi tarafından idâre olunur. Mektebin Meʼmûrîn-i İdâresi Bir müdür, bir başhemşîre, bir kâtib ile meʼmûrîn ve müstahdemîn-i [84] sâireden ibâretdir. Bunların intihâb ve sûret-i istihdâmları hakkında heyʼetçe verilecek karâr merkez-i umûmîce tesbît olunur. Müdür, heyʼet-i idâre meyânından intihâb olunamaz. Mâdde 4- Heyʼet, mekteb ve yurdun idâresine âid husûsât ile mütemâdiyen meşgûl olur. Hasta- bakıcılık teşkîlâtına alâka gösteren ve bâ-husûs ayrıca teberruʻâtda bulunmak sûretiyle ibrâz-ı muʻâ- venet eden zevât merkez-i umûmî karârıyla fahrî aʻzâ sıfatını iktisâb eder. İşbu fahrî aʻzâ heyʼet-i idârenin tensîb edeceği ictimâʻlara ve umûmî imtihânlara ve müsâmere ve konferanslara daʻvet edilir. Heyʼet-i idâre-i dâime, her üç ayda bir mekteb ve yurdun vazʻiyet ve muʻâmelâtı hakkında merkez-i umûmîye rapor verir. Heyʼet tarafından vâkiʻ olacak teklîfâtın merʻiyeti merkez-i umûmînin kabûlü- ne mütevakkıfdır. Tedrîsât programı muʻallimler dahi dâhil olduğu hâlde mekteb heyʼeti tarafından tertîb ve mer- kez-i umûmî tarafından tasdîk olunur. Mâdde 5- Müdür, mektebin intizâm-ı dâhilîsini muhâfaza ve idâme ve tâlibâta tedrîsâtın cihet-i ameliyesi için gidecekleri hastahâneye muntazaman devâmlarını ve orada matlûb vechile iktisâb-ı mümârese ve maʻlûmât eylemelerini teʼmîn ve tâlibâtın sûret-i tahsîl ve hatt-ı hareketlerini taʻkîb ile lâzım gelenleri tecziye ve lede'l-îcâb mektebden ihrâc husûslarını mektebin heyʼetine teklîf etmekle mükellefdir. Mekteb dâhilindeki bütün meʼmûrîn ve müstahdemînin taltîf ve tecziyesi veya azl ve ihrâcı hakkında esbâb-ı mûcibe beyânıyla mekteb heyʼetine mürâcaʻat etmek dahi müdürün cümle-i vezâi- findendir. Madde 6- Muʻallimler program dâhilinde hastabakıcılara tedrîsât-ı nazariye ve ameliyede bu- lunacak ve tedrîsât hakkında heyʼet-i idâre ile müştereken teklîfât yapabilecekdir. Başhemşîre kâffe-i vezâifinde müdüre muʻâvenet edecek ve gaybûbetinde ona vekâlet eyleyecekdir. Müddet ve Şerâit-i Tahsîliye Mâdde 7- Mektebin müddet-i tahsîliyesi üç devreye taksîm olunmak üzere iki sene üç aydır. İlk üç ayda tâlibâtın bir muʻallimenin nezâreti altında hasta koğuşlarındaki tertîbât ve tathîrâta ve hastalarla temâsa ve ameliyâthâne ve laboratuvardaki muʻâmelâta alıştırılmak sûretiyle hastabakı- cılık mesleğine derece-i heves ve tahammülü tecrübü edilir. Müteʻâkiben muntazam tedrîsât senesi başlar. İlk sene-i tahsîliye nihâyetinde heyʼet-i tedrîsiye ve müdürden ve mekteb heyʼetiyle merkez-i umûmîden intihâb edilecek aʻzâdan müteşekkil bir komisyon huzûrunda imtihânları icrâ edilerek muvaffak olan tâlibât ikinci devre-i tahsîliyeye geçer. İkinci devre nihâyetinde aynı heyʼet muvâce- hesinde hurûc imtihânı icrâ edilerek muvaffak olacak tâlibâta hastabakıcılık şehâdetnâmesi verilir. Mâdde 8- Mektebe kabûl edilen tâlibât için ilk üç ay tecrübe devresi olduğundan bu müddet