HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1735 zarfında tâlibât gerek mekteb idâresi karârı ve gerek kendi arzusuyla bilâ-kayd ü şart terk-i tahsîl edebilir. Bu devreden sonra o bütün tahsîl esnâsında ahvâl ü harekâtı hastabakıcılık mesleğinde tah- sîle devâma müsâʻid olmayanlar heyʼet-i idâre karârıyla derhâl ve her zamân mektebden çıkarılır. İmtihânların zamân ve sûret-i icrâsı taʻlîmâtnâmede tasrîh edilecekdir. Mâdde 9- Tâlibâtın iskân ve iʻâşe ve ilbâsı masârıfı Hilâl-i Ahmer'e âiddir. Tâlibâta, ilk üç aylık tecrübe devresinden sonra zamân ve ihtiyâca [85] göre heyʼet-i merkeziyece takdîr edilecek muhas- sesât-ı şehriye iʻtâ olunur. Şehâdetnâme ahz edenler yurd ahkâmına tâbiʻdir. Mâdde 10- Her talibe, tecrübe devresinden sonra derslere devâmından iʻtibâren Hilâl-i Ahmer tarafından hayât sigortasına kaydedilir. Sigorta muʻâmelâtı taʻlîmât-ı mahsûsası ahkâmına tevfîkan icrâ edilir. İkmâl-i tahsîl ile şehâdetnâme alacaklara "Hilâl-i Ahmer hemşîresi" unvânı ve bir "alâmet-i mahsûsa" verilir. Mâdde 11- Müddet-i tahsîli esnâsında tâlibâta taʻtîl zamânında her sene ancak bir ay meʼzû- niyet verilir. Maʻamâfîh bir maʻzeret-i kaviyesi tebeyyün edenlere heyʼet-i idâre karârıyla nihâyet dört hafta daha meʼzûniyet verilebilir ve bu nevʻ meʼzûniyetler esnâsında tâlibâtın muhassesâtı katʻ edilmez. Maʻamâfîh bir senede iki aydan ziyâde meʼzûniyet almak mecbûriyetinde kalanların muhas- sesâtı katʻ olunduğu gibi gaybubet etdiği zamânı ertesi sene itmâm etmedikçe müddet-i tahsîliyeyi bitirmiş sayılmaz. Mâdde 12- Şehâdetnâme ahzından iʻtibâren mürûr edecek beş sene zarfında yurd taʻlîmâtnâme- sine göre daʻvetine icâbet etmeyen veya bir meʼmûriyete taʻyîn edildiği hâlde heyʼet-i merkeziyece şâyân-ı kabûl bir maʻzereti olmaksızın hizmetine devâm eylemeyen veya herhangi bir sebebden dola- yı ihrâc edilen veya kendiliğinden terk-i hizmet eyleyen hemşîre Hilâl-i Ahmer hemşîresi unvânından ve buna âid hukûk ve müsâʻadâtdan mahrûm olur. İhtiyâr edilmiş olan masârıf-ı tahsîliye ber-mûceb-i mukâvele kefîlinden taleb ve istirdâd olunur. İlk devre imtihânında şerâit-ı mahsûsası dâhilinde mu- vaffak olamayan tâlibât bilâ-kayd ü şart ihrâc olunur. Mâdde 13- Esnâ-yı tahsîlde hâd bir hastalığa dûçâr olan tâlibât Hilâl-i Ahmer Hastahânesi teʼsîs olununcaya kadar Hilâl-i Ahmer'in göstereceği hastahânede Hilâl-i Ahmer hesâbına tedâvî olunur. Kendi hânesinde tedâvî olunmak arzu edenlere hastahâneye verilecek masrafdan ziyâde bir şey ve- rilmez. Hastalık netîcesinde tâlibâtın tahsîle devâm edemeyecek sûretde alîl olduğu tebeyyün ederse mektebince o zamâna kadar tâlibeye edilmiş olan masraf taleb ve istirdâd olunmaz. Tâlibâtdan birisi aʻzamî bir seneden fazla süren bir hastalıkla maʻlûl olursa bir sene nihâyetinde kaydı terkîn edilir. Mâdde 14- Mektebde mevcûd meʼmûrîn ile tâlibât ve müstahdemînin taʻyînâtı mekteb heyʼeti tarafından tertîb edilir. Mâdde 15- Hemşîreler meyânında beş senelik hizmet-i mecbûriyeyi îfâdan sonra hastabakı- cılık hizmetinden çekilmek isteyenlerden masârıf-ı tahsîliye istirdâd olunmaz. Fakat Hilâl-i Ahmer hemşirelerine mahsûs alâmet-i fârika geriye alınır. Bu beş seneden sonra yine Hilâl-i Ahmer'e merbût kalmak isteyenler yurd taʻlîmâtı ahkâmına tebaʻan hizmetlerine devâm eder. Şerâit-i Kabûl Mâdde 16- Mektebe kabûl olunmak için; a-Türk tebaʻası olmak,