HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1737 "-Hilâl-i Ahmer Reîs-i Sânîsi Âkil Muhtar Bey'e Cumhûriyet idâremizin teʼsîs ve iʻlânı sene-i devriyesi münâsebetiyle ızhâr olunan hissiyât-ı samîmâneye teşekkür olunur, efendim". Türkiye Büyük Millet Meclisi Birinci Reîs Vekîli İsmet" _______________ Doktor Besim Ömer Paşa Merkezi İsviçre'de olan Etfâle Beynelmilel Muʻâvenet Heyʼet-i İttihâdiyesi tarafından Viya- na'da akdedilen konferansda Himâye-i Etfâl Cemʻiyeti'ni temsîl eden reîs-i sânî Doktor Besim Ömer Paşa Dersaadet'e avdet etmişdir. _______________ Beynelmilel Salîb-i Ahmer ve Erzurum Felâketzedegânı Cenevre Beynelmilel Salîb-i Ahmer Komitesi'nin Erzurum hareket-i arz musâbîni için 1 Teş- rîn-i Evvel 1924 târîhiyle Salîb-i Ahmer merâkizine gönderdiği tahrîrât-ı umûmiyenin tercemesidir: "-Salîb-i Ahmer Merâkiz-i Umûmiyesi rüesâ ve aʻzâsı efendilere, 13 Eylül'de Erzurum havâlîsinde bir hareket-i arz vukûʻ bulduğunu telgraflar haber verdiler. Yevm-i mezkûru taʻkîb eden eyyâmda tekerrür eden harekât-ı arziye Kars ve Ardahan vilâyetlerine kadar imtidâd ederek 3.878 hânenin tamâmen hâk ile yeksân olması ve 2.525 büyûtun kısmen harâbi- yeti ve mecrûhînden mâʻadâ 202 nüfûs zâyiʻâtı gibi hasârât-ı azîmeyi bâdî olmuşdur. [87] Senenin şu mevsiminde ziyâdesiyle sert ve bî-rahm olan bu menâtık-ı mürtefiʻada meʼvâ- sız ve muhtâc-ı muʻâvenet yirmi beş bin nüfûs şedâid-i iklîmiyeye maʻrûz bulunuyor. Vâkıʻâ Türki- ye Hükûmetiyle Hilâl-i Ahmer Cemʻiyeti bu zavallıların muʻâvenetine şitâb etmiş iseler de Hilâl-i Ahmer Cemʻiyeti'nin son seneler zarfında îfâsına mecbûr olduğu birçok faʻâliyet ve icrââtdan dolayı menâbiʻ-i vâridâtı son derece azalmış bulunduğundan Beynelmilel Salîb-i Ahmer Komitesi'ne 21 Eylül târîhinde telgrafla vâkiʻ olan mürâcaʻatında 'hasârât-ı mühimmeyi mûcib olan Erzurum hare- ket-i arzı felâketzedelerine muʻâvenet-i nakdiyede bulunulması husûsunda Salîb-i Ahmerler nezdinde teşvîkât îfâsı lütfunu ricâ' etmekdedir. Bu bedbaht ve felâketzede ahâlîye muʻâvenet etmek vazîfe-i azîmesini derʻuhde etmiş bulunan Türkiye Hilâl-i Ahmeri'ne yardım için Cenevre Beynelmilel Salîb-i Ahmer Komitesi, Salîb-i Ahmer Merkez-i Umûmîlerine mürâcaʻata müsâraʻat eyler. Para, Cenevre'de doğruca İstanbul'da Hilâl-i Ahmer Merkez-i Umûmîsi'ne de gönderilebilir. Mürâcaʻatımızın lütfen karîn-i kabûl buyurulmasından dolayı ber-vech-i peşîn teşekkürâtımızı hissiyât-ı ihtirâmkârânemize terdîfen takdîm eyleriz, efendim". _______________