HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1738 Sırp Salîb-i Ahmeri'nin Erzurum Felâketzedelerine Muʻâveneti Sırp-Hırvat-Slav nâmını taşıyan Sırbistan Salîb-i Ahmeri, Erzurum hareket-i arz felâketzedeleri nâmına merkez-i umûmîmize iki bin franklık bir çek irsâl etmişdir. _______________ Amerika Salîb-i Ahmeri'nin Erzurum Felâketzedelerine Muʻâveneti Amerika Salîb-i Ahmeri nâmına Hâriciye Murahhaslığı'na Erzurum felâketzedeleri için Ame- rika Sefâreti'nden tevdîʻ edilen bin lira murahhaslıkdan Hilâl-i Ahmer Cemʻiyeti'ne irsâl kılınmışdır. Hâriciye Murahhaslığı, sefârethâne vâsıtasıyla Amerika Salîb-i Ahmeri'ne bu muʻâvenetden dolayı teşekkür etdiği gibi Hilâl-i Ahmer Cemʻiyeti de ayrıca beyân-ı teşekkür etmişdir. _______________ Salîb-i Ahmerlerin Muʻâveneti Erzurum hareket-i arz felâketzedelerine İspanya Salîb-i Ahmeri 2.500 Fransız frangı ve Alman Salîb-i Ahmeri 750 İsviçre frangı ve Rus Salîb-i Ahmeri iki bin ruble teberruʻ etmişlerdir. Bu üç hemşîre cemʻiyete, o bîçâreler nâmına teşekkür ederiz _______________ Azîmet Hilâl-i Ahmer'e âid bazı mesâil-i mühimmenin müzâkeresi için Müfettiş-i Umûmî Doktor İs- mail Besim, merkez-i umûmî aʻzâsından Doktor Hakkı Şinasi Paşalar Ankara'ya azîmet etmişlerdir. _______________ Antalya Hilâl-i Ahmer Merkezi Antalya Hilâl-i Ahmer Merkezi riyâset-i ûlâsına encümen-i dâimî-i vilâyet aʻzâsından Antalya refîkimizin muharrir-i sersütûnu Doktor Ferruh Niyazi Bey intihâb edilmişdir. Hilâl-i Ahmer'in hâdimîn-i kadîmesinden olan Doktor Ferruh Niyazi Bey, [1]329 [1913] se- nesinde Simav'da hükûmet tabâbetinde, [1]330'da [1914] Kütahya'da beledî tabâbetinde, [1]335- [1]336'da [1919-1920] Kastamonu Vilâyeti Sıhhiye Müdüriyeti'nde, [1]338'de [1922] Mamuretüla- ziz Vilâyeti Sıhhiye Müdüriyeti'nde, [1]339'da [1923] Diyarbekir Sıhhiye Müdüriyeti'nde bulunarak Hilâl-i Ahmer'e kıymetli hidemâtı sebk etmişdir. Muhterem doktora riyâsetini derʻuhde eylediği Antalya merkezinde de muvaffakiyet temennî ederiz. _______________