HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1772 Asya Salîb-i Ahmerlerinde Japonya 212.263 Siyam 11.000 Avustralya Salîb-i Ahmerlerinde Avustralya 49.500 Yeni Zelanda 2.876 Yekûn 7.894.054 Bu yekûn Gençlik Salîb-i Ahmeri'nin Avrupa ve Amerika'dan mâʻadâ diğer kıtaʻât-ı arziyede de derece-i terakkî ve inkişâfını göstermekdedir. Yukarıki erkâm yekdiğeriyle mukâyese edilecek olursa vehle-i ûlâda nazar-ı dikkati Cemâhîr-i Müttefika-i Amerika celb eder. Yirmi yedi memleketin Gençlik Salîb-i Ahmeri'ne 7.900.000 aʻzâ isâbet eylediği hâlde yalnız Amerika Gençlik Salîb-i Ahmeri'nin aʻzâ adedi beş milyona bâliğ olmakdadır ki, bu da Amerika ahâlîsinin ehemmiyet-i adediyesine ve Amerika müessesât-ı ictimâʻiyesinde Salîb-i Ahmer'in işgâl etdiği mevkiʻ-i muʻallâyı gösterir. İtalya'da Maʻârif Nezâreti'nin mekteblerde icrâ etdiği ıslâhât ve te- ceddüdât Gençlik Salîb-i Ahmeri'nin mekteblere kabûl ve idhâli târîhine tesâdüf eylemekdedir. Bu iki hâdisenin aynı zamânda vukûʻu İtalya'da mikdârı bir milyona bâliğ olan Gençlik Salîb-i Ahmeri'nin inkişâfını teshîle medâr olmuşdur. Gençlik Salîb-i Ahmeri'nin Avrupa'da ilk teessüs etdiği memleketden biri de Çekoslovakya'dır. Çekoslovakya'da 1923 senesinde Gençlik Salîb-i Ahmeri aʻzâsı 150.000 iken 1924 senesi zar- fında 280.000'[e] bâliğ olmuşdur. Bu inkişâf-ı serîʻi, Gençlik Salîb-i Ahmeri'nin teşkîlâtı muntazam bir programla idâre edildiğine [110] atfedilmekdedir. Merâkiz ve şuʻabâtın Gençlik Salîb-i Ahmer aʻzâsı hakkında senede iki defa tertîb etdiği cedâvil-i ihsâiye merkez-i umûmîce bir zemîn-i mütâlaʻa ve tedkîk teşkîl eder. Lehistan Gençlik Salîb-i Ahmeri 1919 senesinde teʼsîs edilmişdir. Bolşevik ordularının mem- leketi istîlâsı bir aralık Gençlik Salîb-i Ahmeri'nin inkişâfına mâniʻ olmuş ve ancak 1921 senesinde yeniden büyük bir faʻâliyet başlamışdır. Avusturya'ya gelince; 180.000 aʻzâsı bulunan bu memleket Salîb-i Ahmeri'nin 140.000'i Genç- lik Salîb-i Ahmeri teşkîl etmesi şâyân-ı kayıddır. Balkanlarda harbden sonra tahassul eden vazʻiyetin Gençlik Salîb-i Ahmeri'nin inkişâfına pek büyük yardımı olmuşdur. Umûr-ı hayriye için açılan geniş sâha-i faʻâliyet, muʻâvenet-i mütekâbile fikrinin zuhûruna fırsat-bahş olmuşdur. Yugoslavya'da mekâtibde yapılması mutasavver olan teceddüdât ve ıslâhâtı Gençlik Salîb-i Ah- meri'nin teshîl edeceği hakkında perverde edilen ümîdler pek büyükdür. İngiltere, Belçika, Fransa, Norveç, İsveç ve İsviçre ile üç Baltık devletlerinde Gençlik Salîb-i Ahmeri'nin mekteblere idhâli için büyük bir faʻâliyet görülmekdedir.