HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 39 1773 Aksâ-yı şarkda ve bilhâssa Filipin adalarıyla Japonya'da, Siyam'da Gençlik Salîb-i Ahmeri fev- kalâde inkişâf etmişdir. Filipin'in 900.000 aʻzâsı vardır. Gençlik Salîb-i Ahmeri fikri Avustralya ile Kanada'da zuhûr etdiğinden bu iki memleketde bu müessese, etrâfa pek derîn kökler salmışdır. Alman Salîb-i Ahmeri Alman Salîb-i Ahmeri'nin 1 Nisan 1923 târîhinden 31 Mart 1924 târîhine kadar bir senelik icrâât ve faʻâliyeti hakkında neşretdiği raporun aksâm-ı mühimmesini hulâsaten âtîye derc ediyoruz. Alman Salîb-i Ahmeri, 24 merâkiz veya devâire ve bunların münkasem olduğu 4.650 şuʻbeye mâlikdir. Almanya'da Salîb-i Ahmer aʻzâsının mikdârı 1.288.000'dir. Bundan mâʻadâ Alman Salîb-i Ah- meri 60.000 aʻzâsıyla 1.655 sıhhiye koluna ve 1.521 aʻzâsıyla 38 hastabakıcı merkezine ve 2.163 aʻzâsıyla 56 samaritenler cemʻiyetlerine ve 6.500 aʻzâlı 59 ana evlerine sâhibdir. Alman Salîb-i Ahmeri'nin 8.650 yataklı 84 hastahânesi ve radîʻlere mahsûs 1.850 yataklı 44 dâ- rüşşafakası, 4.850 yataklı 78 dârü'l-etfâli ve ihtiyârlara mahsûs 1.350 yataklı 42 dârülacezesi ve dev- re-i nekâhete dâhil olan marzâya mahsûs 2.000 yataklı 35 dâiresi ve 1.200 yataklı diğer 18 müessesesi vardır. Ve'l-hâsıl yekûnu 19.800 yatağa bâliğ olan birçok müessesât Alman Salîb-i Ahmeri tarafından idâre edilmekdedir. 473 çocuk kreşleri, gündüz bakımlık üzere ebeveyni tarafından bırakılan çocuk hayrâthâneleri, çocuk bâğçeleri, müteverrimîn ve emrâz-ı zühreviye maʻlûlîni ile diğer hastaların tedâvî edildiği müessesât sâlifü'z-zikr erkâmdan hâricdir. Harb-i Umûmî'de en ziyâde dûçâr-ı fakr u zarûret olan küçük îrâd sâhiblerine Alman Salîb-i Ahmeri'nin yapdığı muʻâvenet bilhâssa şâyân-ı kayd ü tezkârdır. _______________ [111] İsveç Salîb-i Ahmeri İsveç'de Salîb-i Ahmer menfaʻatine gâyet kıymetdâr bir cihân atlâsı tabʻ ve neşredilmişdir. Dünyâ hudûd-ı siyâsiyesini gösterir diğer iki harita daha neşredilerek pek büyük rağbete maz- har olmuşdur. Nevâhî-i Kutbiye'yi, bütün dünyâ miyâh-ı maʻdeniye menâbiʻini, derece-i harâretini, hayât-ı nebâtiyesini, hayvânât ve ezhârını vesâireyi muhtevî bir ilâvenin de tabʻı teemmül edilmekdedir. İşbu neşriyâtın teʼmîn edeceği tahmîn edilen yüz bin kron, İsveç Salîb-i Ahmeri'ne verilecekdir. _______________ Şarkî Avrupa Salîb-i Ahmer Cemʻiyetlerinden Bazılarının Menâbiʻ-i Vâridâtı Estonya Salîb-i Ahmer Cemʻiyeti'nin: 1-Salîb-i Ahmer'in idâre etdiği etfâl müessesâtına hükûmetçe verilen tahsîsât