HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1480 Ulukışla İmdâd-ı Sıhhî Heyʼeti: Yeni teşekkül etmiş olan işbu heyʼet dispanserine 21'i çocuk olmak üzere 101 muhâcir mürâcaʻat eyleyerek taht-ı tedâvîye alınmışlardır. İstanbul Fukarâ Muʻâyenehâneleri Haziran ayı zarfında Üsküdar dispanserlerinde 1.022, Fatih Dispanseri'nde 912 ve Cağaloğlu Dispanseri'nde 1.181 hasta meccânen muʻâyene edilip ilâcları da meccânen verilmişdir. Cağaloğlu Dispanseri'ne mürâcaʻat edenler arasında ancak 777 muhtâc olduğundan, yalnız bunlara meccânen ilâc verilmişdir. Âkil Muhtar Bey'in Avdeti Merkez-i Umûmî reîs-i sânîsi olup bir müddetden beri Lahey'de münʻakid Beynelmilel Salîb-i Ahmerler Tetebbuʻât Komisyonu'nda murahhas olarak bulunan Doktor Müderris Âkil Muhtar Bey ahîren ikmâl-i vazîfe ile avdet eylemişdir. Mecmûʻamız Müdürü Merkez-i Umûmî aʻzâsından olup mecmûʻamız müdüriyetinde bulunmakda olan Haydar Be- yefendi bir müddetden beri murahhas sıfatıyla Samsun'da bulunmakda idi. Ahîren ikmâl-i vazîfe ile avdet eylemişdir. Hakkı Şinasi Paşa'nın Avdeti İzmir ve mülhakâtında bir müddetden beri murahhas sıfatıyla bulunmakda olan Merkez-i Umûmî aʻzâsından Doktor Hakkı Şinasi Paşa ikmâl-i vazîfe ederek bu defa avdet etmişdir. Havâdis-i Sâire § Drama ve Kavala havâlîsi muhâcirleri tamâmen nakledilmiş olduklarından işbu mahaller İm- dâd-ı Sıhhî Heyʼetleri lağvedilmişdir. § Selanik İmdâd-ı Sıhhî Heyʼeti eczâcılığına mülgâ Drama Heyʼeti Eczâcısı Ahmed Nureddin Bey taʻyîn edilmişdir. § Kozana havâlîsindeki muhtâcîn muhâcirîn tamâmen nakledilmiş olduklarından Kozana İm- dâd-ı Sıhhî Heyʼeti lağvedilmiş ve cüzʼî kalan vazîfesi Kayalar Heyʼeti'ne tevdîʻ olunmuşdur. [366] § İzmit İmdâd-ı Sıhhî Heyʼeti lağvedilmişdir. § Mersin İmdâd-ı Sıhhî Heyʼeti Reîsi Doktor İrfan Bey'in vukûʻ-ı istiʻfâsına binâen yerine mül- gâ Kavala İmdâd-ı Sıhhî Heyʼeti Reîsi Doktor Hüseyin Bey taʻyîn kılınmışdır. § Samsun mücâdele hemşîresi olup vazîfesinin hitâmına binâen İstanbul'a avdet eylemiş olan Hemşîre Hayriye Hanım'la mülgâ Kavala Heyʼeti Hemşîresi Hâfıze Latife Hanım Mersin hemşîreli- ğine taʻyîn edilmişlerdir.