HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1481 § Mersin Hemşîresi Nigâr Hanım istiʻfâ etmişdir. § Mersin ve Ulukışla idâre meʼmûrları becâyiş etdirilmişlerdir. § Ulukışla İmdâd-ı Sıhhî Heyʼeti Riyâseti'ne mülgâ Tuzla İmdâd-ı Sıhhî Heyʼeti Reîsi Doktor Bahaeddin Bey taʻyîn edilmişdir. § Söke mıntıkası seyyâr tabâbetine vapur tabîblerinden Halid Bey ve hastabakıcılığına mülgâ Antalya Heyʼeti hastabakıcısı Alaaddin Efendi taʻyîn ve mahalline iʻzâm edilerek îfâ-yı vazîfeye mübâşeret eylemişlerdir. § Vapur tabîbliğine Doktor Ahmed Bey taʻyîn edilmişdir. İstiʻfâ ve Taʻyîn Muhâsebe meʼmûrlarından Harun Bey'in istiʻfâsına binâen yerine yevmiye muhâsiblerinden olup Eskişehir deposunda bulunan Emin Bey ve onun yerine de depo kâtiblerinden Murad Bey taʻyîn kılınmışdır. Eczâcı ve İdâre Meʼmûru Taʻyîni Çatalca İmdâd-ı Sıhhî Heyʼeti'nde münhal olan idâre meʼmûrluğuy- la eczâcılık bi't-tevhîd Dârülmuʻallimîn ve Eczâcı Mektebi'nden meʼzûn Edhem Fahreddin Efendi taʻyîn olunmuşdur. Seyyâr Etüv İrsâli Edirne'ye görülen lüzûm-ı sıhhî üzerine bir aded seyyâr etüv gön- derilmişdir. Sabun Tevzîʻi Gösterilen lüzûm üzerine Makriköy civârına yerleşdirilen muhâcirî- ne tevzîʻ edilmek üzere mikdâr-ı kâfi sabun gönderilmişdir. Buldan Seylâbzedegânına Muʻâvenet Buldan'da vukûʻ bulan seylâbdan müteessir olan halkın ihtiyâcâtını teʼmîn için Denizli Hilâl-i Ahmer Merkezimizden mübâyaʻa ve mahalli- ne irsâl edilen un için vukûʻ bulan sarfiyât merkez-i umûmîce kabûl ve sürʻat-i muʻâvenetden dolayı teşekkür edilmişdir. Garbî Karaağaç Seylâbzedegânına Yardım Garbî Karaağaç'ın Yatağan karyesinde vukûʻ bulan [367] seylâbdan müteessir olanlara muʻâvenet-i serîʻada bulunulmak üzere Denizli merke- zimize beş yüz lira irsâl edilmişdir. Havza Hilâl-i Ahmer Şuʻbesi Reîsi Fuad Bey Fuad Bey, président du sous-comité du Croissant-Rouge de Havzé