HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 40 1798 Fransa Harbiye Nezâreti Sıhhiye Dâiresi tarafından kabûl olunan Bréguet sisteminde sıhhiye tayyâresi Avion type Bréguet, adopté par le service de santé du Ministère de la guerre de la France Sıhhiye tayyâre teşkîlâtı alelâde zamânlarda ve bilhâssa âfât-ı umûmiye anlarında büyük hiz- metler görür. Teşkîlât-ı sıhhiye husûsunda sıhhiye-i umûmiyenin hatt-ı hareketi, şahsî ve umûmî ve ictimâʻî sıhhat ve hayâtın hıfz u sıyânetidir. Tedâbîr-i sıhhiye bu esâsâta müstenid olmalıdır. Ev- velâ, şahsı mütâlaʻa edelim: Şahsın sıhhatini teʼmîn için en evvel ittihâz olunacak tedâbîr, kavâʻid-i sıhhiyeyi taʻmîm, terbiye-i sıhhiyeyi takviye, teşkîlât-ı sıhhiyeyi teʼsîsdir. Şahıs hastalanmamalı, irfân ve maʻlûmâtını buna müsâʻid kılmalı. Memleketde intişâr-ı emrâza bâdî olan esbâbın izâlesine, kavânîn-i sıhhiyenin tanzîmine gayret etmeli, hemen mümkün mertebe her yerde müessesât-ı sıhhiye meydâna getirmelidir. Teşkîlât-ı sıhhiyesi az çok muntazam olan bir memleketde alelâde emrâzdan birine mübtelâ olan bir hasta herhangi bir hastahâneye girerek kendisini tedâvî etdirebilirse de husûsî bir tedâvîyi müstelzim bir hastalığa dûçâr olan adamın ayrı bir hastahânede mütehassıs bir tabîb tarafından te- dâvîsi elbette müreccahdır. Husûsî bir hastalığa tutulan yâhûd husûsî bir sûretde yaralanan ayrı bir mahalde, husûsî bir hastahânede tedâvî edilmelidir. Bu gibi ahvâlde uzak bir mahaldeki tabîb veya cerrâhın teşhîs ve ameliyât husûsunda beyânât [124] ve teşebbüsü kanâʻat-bahş olmayıp da bir istişâreye ihtiyâc görülürse nakilden başka çâre kal- maz. Ya hasta ve yaralı merâkiz-i tıbbiye ve cerrâhiyeden birine naklolunacak veyâhûd muktedir bir tabîb veya cerrâh hastanın bulunduğu mahalle götürülecek. Bu ikinci şıkda, ameliyâtdan sonra hasta- nın fen dâiresinde taʻkîbi de lâzımdır.