HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 40 1800 Doktor Chassaing'in ilk sıhhiye tayyâresi Premier avion sanitaire du Dr. Chassaing Bazen menâʻat-i mevkiʻiye, vesâit-i âdiye ve aynı zamânda sürʻat-i lâzıme ile muʻâveneti im- kânsız bırakır ki, bu hâlde sıhhiye tayyâre teşkîlâtına mürâcaʻat mecbûrîdir. Âfât-ı ictimâʻiyede imdâd ve muʻâvenete mecbûr olan Hilâl ve Salîb-i Ahmer Cemʻiyetleri bu nokta-i nazardan da sıhhiye tayyâre teşkîlâtı ile ziyâde meşgûl olmakdadır. İsveç Salîb-i Ahmer Cemʻiyeti tuğyân-ı miyâh dolayısıyla arâzîsi birçok aylar mürûr u ubûra gayr-ı müsâʻid olan Norr- land havâlîsine mahsûs tayyâreler sipâriş eylemiş, Siyam Salîb-i Ahmeri de dağlık yerlerde imdâd ve muʻâvenet için büyücek tayyâreler kullanmakda bulunmuşdur. Sıhhiye-i umûmiye teşkîlâtında sıhhiye tayyârelerinden pek çok istifâde edilebilir. Memleke- timizde ne kâfi derecede etıbbâ mevcûddur ne de teʼsîsât-ı sıhhiye. Şehirler yekdiğerinden uzakdır. Yollar mürûr u ubûra müsâʻid değildir. İşte bu ahvâlde teşkîlât-ı sıhhiye-i esâsiyeye intizâren memleket dâhilinde şimdiden sıhhiye tayyâre teşkîlâtı meydâna getirerek noksân-ı sıhhîyi bir dereceye kadar telâfi etmek mümkündür. Teş- kîlât-ı sihhiye-i esâsiyenin ittihâzında sıhhiye tayyâre teşkîlâtı yalnız vekâyiʻ-i müstaʻceleye inhisâr eder. Sıhhiye tayyâre teşkîlâtı hasta ve mecrûhun sürʻatle bir merkez-i sıhhîye nakli veya bir tabîb veya cerrâhın mahall-i vakʻaya azîmeti ile müdâvât-ı serîʻada bulunmasını teʼmîn eder. Memleketin her yerinde tecrübe-dîde etıbbâ-yı müvellide [126] bulunmadığından vilâdât-ı asî- rede sıhhiye tayyâre teşkîlâtından istifâde olunabilir.