HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1482 Antalya Hilâl-i Ahmer Heyʼet-i Merkeziyesi 1-Operatör Burhaneddin Bey, reîs-i evvel 2-Doktor Galib Bey, reîs-i sânî 3-Doktor Ferruh Niyazi Bey 4-Kabadayızâde Hüseyin Bey 5-Yörükoğlu Fuad Bey 6-Eczâcı Ahmed Selim Bey 7-Cebehânecizâde Hüseyin Bey 8-Emirîzâde Ali Bey 9-Muʻallim Muzaffereddin Bey 10-Şaban Efendi Groupe représentant les membres du comité C.R.T. dʼAdalia Hilâl-i Ahmer'e Teşekkür Seyr-i Sefâin'in Bahr-ı Cedid vapuru İzmir'e sevk edilen ve Urla Tahaffuzhânesi'nde tathîr ame- liyesine tâbiʻ olan Filorina kasabasının bin iki yüz küsûr muhâciri nâmına mezkûr kasabanın 14 eşrâfının imzâlarını hâvî bir teşekkürnâme aldık. Muhâcirler, gerek seyâhat esnâsında gerek İzmir ve Urla'da Hilâl-i Ahmer heyʼetinin mesâʻîsinden ve bilhâssa vapurda doğuran kadınlara karşı gösterilen takayyüdâtdan dolayı heyʼetimiz tabîbi Ahmed Bey'e teşekkür ediyor. Kastamonu Merkezinin 1339 [1923] Senesi Faʻâliyeti Kastamonu merkezi riyâset-i sâniyesinden 9 Haziran 1340 [1924] târîhiyle gönderilen tahrîrât ile melfûfu olan rapor ve hesâb cedvellerinden anlaşıldığına göre 1339 [1923] senesi zarfında mezkûr merkezin makbûzâtı 3.287 lira 47 [368] kuruş ve medfûʻatı 3.276 lira 17 kuruşdur. Medfûʻâtın 665 lira 62 kuruşu merkez-i umûmîye irsâlât ve 2.610 lira 55 kuruşu mahallî muʻâvenâta vesâireye vukûʻ bulan sarfiyâtdır. Makbûzâtda aʻzâ âidât-ı seneviyesinin fevkalâde azlığı (55 buçuk lira) pek ziyâde câlib-i na- zar-ı dikkatdir. Maʻlûm olduğu üzere Hilâl-i Ahmer'in hidemâtını müsmir kılacak ve yaşatacak ancak dâimî ve emîn vâridât olup bu da hiç şübhesiz aʻzâ adedini çoğaltmak ve yazılan aʻzâya taʻahhüdleri- nin haysiyet borcu olduğunu hatırlatarak îfâsını teʼmîn etmekle mümkün olabilir. Bunun için Kasta- monu vilâyeti merkezinden ve bi'l-vesîle bütün Türkiye'deki merkez ve şuʻbelerimizden aded-i aʻzâ-