HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 40 1812 taʻlîmâtnâmesinin 28'inci mâddesi mûcebince 4 numaralı numûne esâsâtına tevfîkan birer hulâsa-i hesâbiyenin, 2-Heyʼet-i merkeziye idâre aʻzâ-yı kirâmının esâmî ve meʼmûriyetleri ile bu sene zarfında vukûʻ bulan ve vukûʻ bulacak tebeddülâtı ihtivâ etmek üzere bir cedvelin, 3-Muhâsebe taʻlîmâtnâmesinin 29'uncu mâddesi mûcebince de sene-i hâliye Kânûn-ı Evvel'i gâyesine kadarki maktûʻ makbûz vâridât ve sarfiyât ve mevcûdâtını irâʼe etmek üzere 5 numaralı numûneye göre cedvelin tanzîm ve 1 Kânûn-ı Sânî [1]341 [Ocak 1925] târîhinde postaya tevdîʻini bilhâssa ricâ ve bi'l-vesîle teʼyîd-i ihtirâmât ve tevâlî-i muvaffakiyetinizi temennî eyleriz, efendim. _______________ [137] İzmir Hilâl-i Ahmer Merkezi'nin Muhâcir ve Muhtâcîne Muʻâveneti Henüz müstahsil bir vazʻiyete girememiş olan muhâcirlerden birçoğunun ve ale'l-husûs aceze ve eytâmın teʼmîn-i maʻîşetde dûçâr-ı müşkilât olduklarını nazar-ı dikkat ve ehemmiyete alan İzmir Hilâl-i Ahmer Merkezi, İzmir şehriyle civâr kurâda ve mülhakât kurbundaki bi'l-umûm muhâcirînin ve muhtâcîne pirinç tevzîʻini taht-ı karâra alarak on iki çuval pirinc[i] Karaburun Hilâl-i Ahmer Şuʻ- besi'ne sevk etmişdir. Derece-i ihtiyâca göre peyderpey mülhakât ve kurâya sevkiyât icrâ edilecekdir. Yine bu cümle- den olmak üzere Bornova'ya tâbiʻ Karakokluca karyesinde pek perîşân ve çıplak bir hâlde kaldıkları haber alınan iki yüze karîb muhâcirin muhâfaza-i sıhhat ve hayâtlarını teʼmînen ihzâr edilen çamaşır, palto ve battâniye gibi eşyâ meʼmûr-ı mahsûs vedâʻatıyla karye-i mezkûreye sevk edilerek yeden be-yed tevzîʻ edilmiş ve mezkûr karyede meskûn 600 küsûr diğer muhtâc muhâcir için de ayrıca bin kıyye mikdârı pirinç tevzîʻ edilmek sûretiyle muʻâvenetde bulunulmuşdur. _______________ Behisni Hilâl-i Ahmer Şuʻbesi Malatya'da Behisni kazâsında yeniden bir Hilâl-iAhmer şuʻbesi küşâd edilmişdir. Şuʻbe heyʼet-i idâresi için yapılan intihâbda âtîde esâmîsi muharrer zevât ihrâz-ı ekseriyet etmişdir: * Mustafa Bey, şuʻbe reîsi * Emirzâde Reşid Ağa, aʻzâ * İsmail Bey, aʻzâ * Hacı Yakub Paşazâde Hacı Süleyman Bey, aʻzâ * Ali Ağazâde Hasan Ağa, aʻzâ * Ahmed Efendi Hocazâde Mehmed Efendi, aʻzâ * Hacı Keribzâde Yusuf Efendi, veznedâr Şube ahîren kurbân derisi esmânı bakıyyesi olarak yüz lira göndermişdir. Mecmûʻa muhterem Behisni ahâlîsine teşekkür ve şuʻbeyi teşkîl eden zevât-ı kirâma muvaffa- kiyet temennî eder.