HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1483 ya atf-ı ehemmiyetle herkesin Hilâl-i Ahmer'e aʻzâ yazılarak senede birer lira vermelerinin teʼmînine sarf-ı mesâʻî etmelerini çok ricâ ederiz. Bir muhterem refikimizin dediği gibi, senede yüz kuruş, ayda sekiz kuruş ve günde on bir para kadar bir şey tutar ki, en âciz olan erbâb-ı hamiyet için bile büyük bir şey değildir. Bu fikri herkesin zihnine yerleştirmeli, teşvîk etmeli, merhametli ve şefkat-perver herkesi aʻzâ yazmalı, Hilâl-i Ah- mer dergâhının müntesiblerini, mürîdlerini ve murâbıtlarını çoğaltmalıdır. Ecnebî memleketlerinde Salîb-i Ahmer aʻzâları milyonlarla sayılıyor! Kastamonu merkezimizde el-yevm îfâ-yı vazîfe-i hamiyet eden heyʼet-i idâre ber-vech-i âtî zevâtdan mürekkebdir: Reîs-i Evvel Şeyh Ziya Bey, Reîs-i Sânî Sıhhiye Müdürü Said Bey, Kâtib Eczâcı Nuri Bey, Veznedâr Eczâcı Cemal Bey, Veznedâr Muʻâvini Doktor Fazıl Emin Bey. Merkezimize muvaffakiyetler temennî ederiz. Muhtelit Mübâdele Komisyonu Şimdiye kadar Atina'da ictimâʻ etmekde bulunan Muhtelit Mübâdele Komisyonu, bî-taraf aʻzâ- larından İspanyalı General de Lara, Danimarkalı Mösyö Widding, İsveçli Mösyö Ekstrand ve ko- misyonun kâtib-i umûmîsi Mösyö Haller ile Mösyö Carl Pettersen ve Türk Heyʼet-i Murahhasası aʻzâsından Hamdi, İhsan, Haydar ve Kâtib-i Umûmî Reşad Nuri Beyler ile mezkûr komisyon nezdin- deki Yunan Heyʼet-i Murahhasası Haziran'ın 24'üncü Salı günü sabâhı İstanbul'a muvâsalat etmişdir. Heyʼetin rıhtıma muvâsalatında polis ve zâbıta-i belediyeden mürekkeb müfrezeler tarafından râsi- me-i ihtirâm îfâ edilmiş ve aʻzâ-yı mezkûre emirlerine tahsîs edilen otomobillere râkiben Pera Palas ve Tokatlıyan Otellerine nâzil olmuşlardır. Türk Başmurahhası Tevfik Rüşdü ve Yunan Başmurahhası Mösyö Papa bazı mesâilin halli için azîmetlerini teʼhîr etdiklerinden ancak beş-on gün sonra İstanbul'a muvâsalat etmişlerdir. Heyʼetin İstanbul'da bulunduğu müddetçe ictimâʻlarına Fuadpaşa Türbesi civârındaki Sadâret Konağı tahsîs edilmişdir. Yanya Tâlî Mübâdele Komisyonu'na Türk delegesi olarak taʻyîn edilmiş olan dârülfünûn muʻal- limlerinden Midhat Bey Temmuz'un dördüncü Cuma günü mahall-i meʼmûriyetine müteveccihen hareket eylemişdir. Yalova ve Karamürsel'e Gelen Muhâcirlere Yardım Yalova ve Karamürsel kazâlarına gelecek muhâcirînin iskânı için yeniden mesâkin inşâsı zamâ- na mütevakkıf olup muhâcirînin açıkda kalmamalarını teʼmîn zımnında evvelce İʻmâr ve İskân Vekâ- leti emrine [369] iʻtâ olunan bini mütecâviz barakaya zamîmeten yüz baraka daha inşâsına kâfi levâ- zım-ı inşâiye, saç, çivi vesâire iʻtâsı takarrür etmişdir. Mersin Hastahânesi'nin Tevsîʻi Görülen ihtiyâc üzerine Mersin İmdâd-ı Sıhhî Hastahânesi elli yatağa bi'l-iblâğ kadrosu ona göre tevsîʻ edilmişdir.