HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 40 1823 1908 senesinde Amerika Salîb-i Ahmeri [145] 11.000 aʻzâya ve 20.000 İngiliz liralık bir büd- ceye sâhib idi. Biri stenograf olmak üzere maʻâşlı ancak üç meʼmûru vardı. 1903 târîhinde merâkiz ve şuʻabât-ı teşkîlâtına henüz mübâşeret edilmiş olmasına rağmen cemʻiyet aʻzâsı 29.000 kişiye bâliğ oldu ve bu târîhden iʻtibâren aʻzâ kayıd ve teksîri propagandasına başlandı. Amerika'nın Harb-i Umûmî'ye târîh-i dühûlü olan 1917 senesinden mukaddem Salîb-i Ahmer aʻzâsı 386.000'e tereffuʻ etdi. Aʻzânın mikdârı artdıkça cemʻiyetin vâridâtı da o nisbetde tezâyüd et- miş olduğundan yapılan teşkîlât sâyesinde el-yevm tatbîk edilen usûlün esâsâtı vazʻ edilerek mesâʻî ve icrâât tekmîl memlekete teşmîl edildi. 1923 senesinde 3.500.000 aʻzâya mâlik olan Amerika Salîb-i Ahmeri'nin aynı sene vâridâtı 5.500.000 İngiliz lirasına çıkdı. _______________ Hind Salîb-i Ahmeri Hindistan'da günden güne tezâyüd ve tevessüʻ etmekde olan cüzâm illetine karşı cemʻ edilecek iʻâne-i umûmiye ile mücâdele yapılması düşünülmekdedir. İngiltere İmparatorluğu'nda mevcûd meczûm ve miskînlerin üçde ikisi Hindistan arâzîsinde ya- şamakda olduğundan nâib-i kralî bu mücâlelenin Salîb-i Ahmer'e tevdîʻ edilmesine karâr vermişdir. Hindistan'da techîzâtı ez-her cihet mükemmel on yedi Salîb-i Ahmer şuʻbesi vardır. _______________ Japon Salîb-i Ahmeri 1923 senesi nihâyetinde Japonya Salîb-i Ahmer aʻzâsının mikdârı 2.232.200 kişiye bâliğ ol- muşdur. Japonya Salîb-i Ahmer hastahâneleri bilâ-istisnâ umûm halka açıkdır. Fukarâ meccânen kabûl ve tedâvî edilir. Etfâlin himâyesi, Japon Salîb-i Ahmeri'nin derʻuhde eylediği faʻâliyetlerden birini teşkîl eyler. Yaz taʻtîllerinde orman veya sâhil-i bahrda birer sanatoryuma mâlik yirmi beş vilâyet merkezinden mâʻadâ merkez ile umûmî merâkiz-i vilâyâtda birer vilâdethâne teʼsîs edilmişdir. Japon Salîb-i Ahmeri veremle mücâleleye kemâl-i germî ile devâm etmekdedir. Vereme âid maʻlûmât-ı muhtasarayı sâde bir lisânla neşr u taʻmîm ve halk konferansları tertîb etmekde, dispan- ser, verem muʻâyenehânesi teʼsîs ve sanatoryumlar küşâd eylemekdedir. _______________ Sırp Salîb-i Ahmeri Sırp Salîb-i Ahmer Mecmûʻası 'nın geçen Teşrîn-i Evvel nüshasında "Frenginin Tahrîbâtı Hak- kında Bir Fikir" sernâmesiyle intişâr eden makâleden âtîdeki satırları iktibâs ediyoruz: