HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1485 SALÎB-İ AHMERLER HAVÂDİSİ Doktor Ferrière Beynelmilel Salîb-i Ahmer Komitesi aʻzâsından Doktor Ferrière Haziran'ın 14'ünde 76 yaşında olduğu hâlde vefât etmişdir. Müteveffânın irtihâli yalnız Beynel- milel Salîb-i Ahmer Komitesi'ndeki arkadaşlarını değil, hattâ birçok millî Salîb-i Ah- merlerde ve Hilâl-i Ahmer'de bulunan dostlarını da müteessif eylemişdir. Müteveffâ 1884 senesinden beri yani kırk seneden beri komitede aʻzâ bulunup hattâ 1870-1871 senesinde Fransız-Alman muhârebâtı seyyâr hastahânelerinde hizmeti sebk etmişdir. Hilâl ve Salîb-i Ahmerler âilesi bu zıyâʻı teessüf ve teessürlerle kaydeder. Müteveffâ-yı mûmâileyh Hilâl-i Ahmer mesâʻîsinin pek kıymetli bir takdîrkârı idi. Hilâl-i Ahmer Merkez-i Umûmîsi Cenevre Beynelmilel Salîb-i Ahmeri'ne bir taʻ- ziyet telgrafnâmesi çekerek vazîfesini îfâ etmişdir. Amerika Salîb-i Ahmeri Amerika Salîb-i Ahmeri'nin alt kısmında bulunan imdâd şuʻbeleri müdürleri Nisan'da Washing- ton'da bi'l-ictimâʻ bir yerde nâgehânî olarak vukûʻa gelecek bir musîbet ve felâket zamânında en serîʻ bir sûretde imdâda şitâb etmenin çârelerini teemmül ve müzâkere ve böyle zamânlarda Salîb-i Ahmer meʼmûrlarının mahall-i kazâya nakli için orduya, bahriyeye ve postaya âid bütün vesâitden istifâde etmelerini teʼmîn zımnında [371] bazı mukarrerât ittihâz etmişlerdir. Son defa bir maʻden ocağının vukûʻ bulan iştiʻâlinde Salîb-i Ahmer İmdâd Heyʼetleri bir-iki sâʻat içinde kazâ mahallinde îfâ-yı vazîfe-i muʻâvenete başlamışlardır. Ahîren vefât eden Cenevre Beynelmilel Komite aʻzâsından Doktor Frédéric Ferrière Dr. Frédéric Ferrière, dans son cabinet de travail. Membre du Comité International de la Croissant-Rouge depuis 1884 décéde le 14 Juin 1924