HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1486 § Anadolu'dan Yunanistan'a hicret eden Hıristiyanlara Amerika Salîb-i Ahmeri bu defa yine 100.000 dolar daha vermişdir. Şu sûretle İzmir'in istirdâdından beri Amerika Salîb-i Ahmeri'nin Yu- nanlılara etdiği muʻâvenetin yekûnu üç milyon doları bulmuşdur. Bu mikdâr bugünkü piyasaya göre bizim evrâk-ı nakdiye ile 5.850.000 lira tutar. Mezkûr Salîb-i Ahmer 1922 senesi Haziran'ına kadar 800.000 Yunanlı'yı giydirip beslemiş ve hastalıklarını tedâvî etmiş ve barındırmışdır. Prag'da Çocuklar Kongresi Çekoslovakya Salîb-i Ahmeri tarafından tertîb olunan Çocuklar Kongresi 16 Nisan 1924'de Prag'da küşâd olunmuşdur. Kongre Çekoslovakya vilâyetlerinin bütün mekteblerinden intihâb olu- nanlar ile Macaristan, Bulgaristan, Romanya ve Yugoslavya'dan gelen ikişer murahhas çocukdan müteşekkildi. Merâsim-i küşâdda Çekoslovakya Salîb-i Ahmeri reîsesiyle aʻzâları ve isimleri mezkûr memleketler Salîb-i Ahmerlerinden gönderilen büyük murahhaslar ve Beynelmilel Salîb-i Ahmer Ko- mitesi'yle Beynelmilel Salîb-i Ahmerler Heyʼet-i İʼtilâfiyesi mümessilleri hâzır bulunuyordu. Muhte- lif memleketlerin genç murahhasları tarafından mesâʻî ve faʻâliyetleri hakkında maʻlûmât verilmiş ve bu bâbda bazı müzâkerât cereyân eylemişdir. Üç vifâk günü merâsiminin küşâdı da 19 Nisan'da mutantan bir sûretde Meclis-i Mebʻûsân Dâi- resi'nde ve reîsicumhûr huzûrunda icrâ [372] edilmiş ve birçok ricâl ve eʻâzımdan mâʻadâ Salîb-i Ah- mer aʻzâları da hâzır bulunmuşdur. Bu münâsebetle üç gün Prag'ın büyük gazeteleri makâlât-ı siyâsi- ye dercinden sarf-ı nazarla Salîb-i Ahmer menfaʻatine müteʻallik neşriyâtda bulunmuşlardır. Bu sene ilk defa olarak bu merâsim gençlik Salîb-i Ahmer'i aʻzâsından bir çocuk tarafından icrâ olunmuşdur. Kongre bu ictimâʻ münâsebetiyle telsiz telgrafla bütün cihâna ber-vech-i âtî hitâbe neşreylemişdir: "-Salîb-i Ahmer bütün cihâna insâniyet ve sulh fikirlerini neşredebilecek beynelmilel bir teʻâ- vün ihdâs ve teʼsîs etmek istiyor. El-yevm gençlik Salîb-i Ahmer'inin ilk beynelmilel kongresi hâlin- de müctemiʻ olan Çekoslovakya çocukları paskalya yortuları münâsebetiyle bütün cihâna hitâb ile Salîb-i Ahmer'in üç vifâk günü zarfında kalb-i selîm sâhibi olan insânların şahsî kin ve garazlarını unutmalarını ve bugünlere riʻâyet etmelerini ricâ eyler". Arjantin Salîb-i Ahmeri Amerika'da Arjantin Salîb-i Ahmeri Hanımlar Merkez-i Umûmîsi görülen fâide üzerine has- tabakıcı ve ale'l-husûs ziyâretçi hastabakıcı mekteblerini çoğaltmağa ve merkez-i mektebinde bu husûsda meccânî dersler küşâdına karâr vermişdir. Bundan maksad-ı aslî bilhâssa veremle mücâdele ve çocukları himâyedir. § Arjantin Salîb-i Ahmer Merkez-i Umûmîsi tarafından teşkîl olunan komite Maʻârif Vekâle- ti'yle bi'l-muhâbere bütün mekteblerde gençlik Salîb-i Ahmer şuʻbeleri küşâdına başlamışdır. Avusturya Gençlik Salîb-i Ahmeri Avusturya Sanâyiʻ-i Nefîse Gençlik Salîb-i Ahmeri bir sene sanatoryumda kalmak mecbûriye- tinde bulunan meslûlü'r-riʼe üç çocuk menfaʻatine bir müsâmere tertîb ederek muktezî meblağı teʼmîn eylemişdir. Salzburg Gençlik Salîb-i Ahmeri 20.000 elma ve armut çekirdeği toplayarak bunları ormanlar etrâfına ve çayırlara ekmeğe karâr vermişdir. Bu bâbda deniyor ki: "-Eğer bu usûl yüz mektebde tatbîk olunsa, Avusturya dâhilinde 20.000.000 yemiş ağacı mas- rafsız olarak meydâna gelir".