HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 35 1487 Belçika Salîb-i Ahmeri Belçika'da Salîb-i Ahmer haftasında (6-13 Nisan) yeniden 50.000 aʻzâ yazılmış ve 350.000 frank cemʻ edilmişdir. Beynelmilel Onuncu Konferans'da teklîf olunan bu Salîb-i Ahmer haftasını bazı hükûmetler hafta ve bazıları da gün olarak kabûl etmişlerdir. O hafta ve günde Salîb-i Ahmerler iʻâne cemʻine, aʻzâ kaydına, konferanslar vererek vesâir sûretlerle fikr-i teʻâvünün tevsîʻ ve taʻmîmi- ne çalışıyorlar. Hilâl-i Ahmer öteden beri îd-i saʻîd-i Fıtr'ın ilk gününü kendine hasretmişdir. O günü çiçek dağıtır, kutularla iʻâne toplar, muhterem matbûʻât-ı mahalliyenin neşretmediği gazete yerine gazete çıkarır. § Orta Tedrîsât Müdürlüğü Belçika'nın bütün liseleriyle orta mekteblerinde Salîb-i Ahmer'in hıfz-ı sıhhate müteʻallik senede üç konferans vermesine muvâfakat etmişdir. Ekvador Salîb-i Ahmeri Ekvador yani Dâire-i İstivâ Salîb-i Ahmeri yılbaşı münâsebetiyle mekteblerdeki 700 fakîr ço- cuk menfaʻatine bir eğlenti tertîb etmiş ve bu sûretle tedârük edebildiği karşılıkla bu çocukların nezâ- fetine ve tuvaletine müteʻallik ihtiyâcâtını teʼmîn eylemişdir. [273] Yunan Salîb-i Ahmeri Yunan Salîb-i Ahmeri'nin yevm-i mahsûsu olan 8 Mayıs'da Yunanistan'da cemʻ olunan iʻânât yekûnu iki milyon drahmi yani bizim evrâk-ı nakdiye ile berâber 67.000 lira tahmîn ediliyor. Tedkîk-i Mesâib İçin Maʻlûmât-ı Lâzıme Geçen nüshamızda intişâr edeceğini yazdığımız bu risâlenin birinci nüshası tabʻ ve neşrolun- muş ve bütün millî Salîb-i Ahmerlere bir taʻmîm ile gönderilerek her memleketde bulunan müessesât ve zevât-ı ilmiyeye tavsiyesi taleb ve ricâ edilmişdir. Destres olduğumuzda ileriki nüshalarımızda mündericâtından da bahsederiz. Bulgaristan'da Himâye-i Etfâl Mayıs'da Bulgaristan'da Bulgar Salîb-i Ahmeri'nin himâyesi altında olmak üzere bir himâye-i etfâl merkezi teşekkül etmiş ve müdüriyetine Londra'da hastabakıcılık şehâdetnâmesini ahz eden bir hastabakıcı kadın taʻyîn kılınmışdır. Yunanistan'da Gençlik Salîb-i Ahmeri Gençlik Salîb-i Ahmeri Yunanistan'da da teşekkül etmişdir. Bugüne kadar 35 muhtelif memle- ketde Gençlik Salîb-i Ahmerleri teşkîl edildiği cihetle Yunanistan'ınki 36 numarada kaydolunmuşdur. Japon Salîb-i Ahmeri Japon Salîb-i Ahmeri ahîren hâmil kadınları ve bunların tarz-ı tevlîdlerini ve nevzâdlarını taht-ı himâyesine alarak vilâdethâneler küşâdına ve mevcûd hastahânelerde gebeler ve doğuranlar için ay-