HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 41 1883 Ardahan Zelzelesi Ardahan'da zelzeleden zarar-dîde olanlara muʻâ[ve]nete karâr veren Hilâl-i Ahmer Cemʻiye- ti, zelzelenin îkâʻ etdiği derece-i hasârâtı Dâhiliye Vekâleti'nden istifsâr etmişdir. _______________ Erzurum Felâketzedeleri İçin Erzurum hareket-i arz felâketzedegânı için Belçika'nın Bern Sefîri Mösyö Peltzer iki yüz ve Küba Adası Salîb-i Ahmer Merkezi 465,35 ve Ja- ponya Salîb-i Ahmeri 1.000 İsviçre frangı teberruʻ etmişdir. Mecmûʻa , Mösyö Peltzer ile sâlifü'z-zikr iki hemşîre, cemʻiyete o bîçâreler nâmına arz-ı şükrân eyler. _______________ Muʻâvenet Muhâcirîn ve muhtâcîne tevzîʻ edilmek üze- re İzmir Hilâl-i Ahmer Merkezi'nden Seferihisar Hilâl-i Ahmer Şuʻbesi'ne son haftada da 1.445 kıy- ye kırıklı pirinç irsâl kılınmışdır. _______________ Trakya İskân Mıntıkası Müdüriyeti'nden Hilâl-i Ahmer Merkez-i Umûmîsi Riyâseti'ne 18 Kânûn-ı Evvel [1]340 târîhiyle vârid olan tahrîrât sûretidir: Nâmerd komşumuzun haklarında revâ gördüğü muʻâmelât-ı denâetkârânesiyle ekserîsi bir sefâ- let-i fizyolojiyeye dûçâr olan muhâcir kardeşlerimizin ilticâ etdiği anavatanın ilk merhalesinde Trak- ya'ya müretteb elli binden fazla muhâcirin dühûl etdiği Tekfurdağı İskelesi'nde kendilerini yüksek bir hiss-i şefkatle karşılayan Otuz Dördüncü Hilâl-i Ahmer İmdâd-ı Sıhhî Heyʼeti, etıbbâ ve meʼmûrîn ve müstahdemînin büyük bir aşk ve alâka ile îfâ-yı vazîfede gösterdikleri mesâʻî-i masrûfe cidden sezâvâr-ı takdîr olup marzâ ve zuʻafâ ve fukarâ-yı muhâcirînin emr-i tedâvîleriyle teskîn-i ıztırâb ve tehvîn-i ihtiyâclarında mensûb oldukları müessese-i âliyenin istihdâf etdiği gâyeye muvâfık sebk eden hidemât-ı insâniye ve fedâkârîleri meʼmûrîn-i mûmâileyhimin her vechile mazhar-ı teveccüh ve iʻtimâd olarak şâyeste-i taltîf bulunduklarını isbât ve irâʼe etmiş olmakla gördükleri âsâr-ı şefkat ve insâniyetden dolayı kalbleri lebrîz-i [182] minnet olan umûm muhâcirîn nâmına vecîbe-i şükrân ve imtinânı refʻ u iʻlâya müsâraʻat ederek fart-ı taʻzîmât ile takdîm-i ihtirâmât eylerim, efendim. İzmir'de Torbalı nâhiyesinin Tepeköy Çiftliği'nde açılan Hilâl-i Ahmer 2 numaralı dispanseri Dispensaire no 2 ouvert par le Croissant-Rouge au village Torbali (Smyrne)