HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 41 1886 Usûl-i Hamiyye derslerini taʻkîb eden çocuklar 135.496 Hıfzıssıhha müntesibîni tarafından ziyâret-i mesâkin 35.557 Sâmiʻ sıfatıyla İlk İmdâd derslerini taʻkîb edenler 147.176 İlk imdâd ve muʻâvenet için tevzîʻ edilen şehâdetnâmeler 13.865 1910 senesinden beri muʻâvenet için tevzîʻ edilen şehâdetnâmeler 189.260 Kâhiller 8.120 Gençlik Salîb-i Ahmeri 9.731 Tevzîʻ Edilen Elbise Aded Japonların giydiği kinono 15000 Muhtelif elbise 164.535 Cerrâhî pansuman 1.244.846 Fransa ve İngiltere Nüfûsları 1923 senesinde icrâ edilen tahrîr-i nüfûsda Fransa'nın 39.209.518 ve İngiltere'nin 38.403.000 nüfûsa mâlik oldukları tebeyyün etmişdir. Fransa'da 1923 senesindeki tevellüdât 761.861, İngiltere'de 1923 senesindeki tevellüdât 758.386 olduğuna nazaran Fransa'da mikdâr-ı tevellüdât İngiltere'den fazla olduğu görülüyor. [184] Hâlbuki 1923 senesinde Fransa'da aded-i vefeyât 666.990 ve İngiltere'de 444.869'dur. Bir yaşından dûn olan çocuklarda Fransa'da 73.871 ve İngiltere'de 52.362 çocuk vefât etmişdir. Fransa'da tevellüdâtın vefeyât mikdârından 94.871 ve İngiltere'de 313.517 fazla olmasına naza- ran İngiltere nüfûsu bir sene zarfında Fransa nüfûsuna nisbetle 200.000 fazladır. Bu da İngiltere'de kavâʻid-i hıfzıssıhhaya daha ziyâde kıymet ve ehemmiyet verildiğini göste- riyor. _______________ Yunan Salîb-i Ahmeri Yunan Salîb-i Ahmeri yakında Atina'da bir hastabakıcı mektebi küşâd edecekdir. Müddet-i tahsîliye Hilâl-i Ahmer'de olduğu gibi üç senedir. İlk üç ay tecrübe devresi olarak kabûl edilerek bu devreden sonra mektebe devâm arzusunda bulunan tâlibât ile mekteb idâresi bir mukâvele akdeder. Tâlibâtın üniformasından mâʻadâ iskân, iʻâşe ve çamaşır masârıfı Salîb-i Ahmer'e âiddir. _______________