HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1536 Bu defa bu necîb kadın, mübâdeleye tâbiʻ Türk muhâcirlerini görmeği arzu ederek Hilâl-i Ah- mer meʼmûrlarından Cevdet Fehim Bey'in refâkatiyle Pendik'de iskân edilen Yanya muhâcirîn kâ- filesini ziyâret etmişdir. Madam Doughty Willy, bu bîçârelerin imdâdına geliyor ve bunun için 100 İngiliz lirası tahsîs ediyor. Hilâl-i Ahmer Mecmûʻası bu muhteremmüteberriʻeye, muhâcirîn nâmına beyân-ı teşekkür eder. _______________ Selanik'de Hilâl-i Ahmer'in Bir Meʼmûruna Taʻarruz Selanik'de icrâ-yı faʻâliyet eden İmdâd-ı Sıhhî [400] Heyʼeti Aşı Meʼmûru Kadri Sâim Efendi, hüviyeti mechûl bazı eşhâs tarafından taʻarruza dûçâr olmuşdur. İmdâd-ı sıhhî heyʼetimiz Selanik hükûmet-i mahalliyesine vukûʻ bulan mürâcaʻât-ı mükerreresine rağmen mütecâsirler henüz bulun- mamışdır. Bu hâle karşı bîgâne kalmayacağı bedîhî olan merkez-i umûmîmiz, Beynelmilel Salîb-i Ahmer ile Yunan Salîb-i Ahmeri'ne keyfiyeti bildirerek mütecâsirlerin zâhire ihrâcıyla tecziyelerini taleb etmişdir. Amerika'da Hilâl-i Ahmer Menfaʻatine Müsâmere Cemâhîr-i Müttefika-i Amerika'da kâin Michi- gan eyaletine tâbiʻ Detroit İslâmları tarafından Hilâl-i Ahmer menfaʻatine tertîb olunan müsâmere hâsılâtı olan 337 İngiliz lirası, Hilâl-i Ahmer Veznesi'ne gön- derilmişdir. Mecmûʻamız, Detroit Müslümânlarıyla bilhâssa bu müsâmerede fevkalâde hizmeti sebk eden Aziz Hasan Ağa'ya teşekkür eder. _______________ Büyükada'da Hilâl-i Ahmer Mevsim Balosu Her sene Büyükada'da mevsim münâsebetiyle Hilâl-i Ahmer menfaʻatine balo vermek, âdet hâline girmişdir. Bu ayın yirmi birinde Büyükada'nın kulü- bünde muhteşem bir balo verilmek üzere şimdiden ihzârât-ı lâzımede bulunulmakdadır. Mecmûʻamız, adanın Hilâl-i Ahmer şuʻbesiyle müteʻaddid hanım ve beyefendilerden teşekkül eden komiteye teşekkür eder. _______________ Samsun Hilâl-i Ahmer Merkezi muhterem Reîs-i Sânîsi Doktor Nuri Osman Bey Dr. Nouri Osman Bey, Vice-Président du Comité du Croissant-Rouge de Samsoun