HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1537 Hilâl-i Ahmer Satış Sergisi Hilâl-i Ahmer Cemʻiyeti'ne âid olup ihtiyâc- dan fazla olması cihetiyle satılması mukarrer olan eşyâyı teşhîr etmek üzere Sultanahmed Câmiʻ-i Şerîfi şadırvan avlusuyla dış avludan bir kısmı iki ay müddetle Evkâf Müdüriyet-i Umûmiyesince cemʻiyetimize terk edilmişdir. Satılacak eşyâ; Binek otomobilleri, kamyon, kamyonetler, motosiklet, banyolar, marangoz ve demircilik âlât ü edevâtı, buzdolâbları, karyolalar, boya, kazma, kü- rek, muşammaʻ, yazıhâne sandalyeleriyle [401] her nevʻ sandalye, peşkir, tabak, kâse, cibinlik, fener, muhtelif kova ve daha birçok eşyâdır. Muhterem İstanbul ve taşra halkı eşyânın metânet ü nefâseti ve fiyâtının ehveniyeti hususla- rında her hâlde müstefîd olacaklardır. _______________ İzmir'de Hamiyetli Manavlarımız Her sene olduğu gibi bu sene de Aydın ve Ka- saba hattıyla şehre gelen karpuz ve kavunların her arabası için bunu mübâyaʻa eden manav ve esnâf ta- rafından Hilâl-i Ahmer'e beşer kuruş iʻtâ edilmekde ve bu sûretle teberruʻ mikdârı yevmiye mühim bir mikdâra bâliğ olmakdadır. Hamiyetli esnâfımızı Hilâl-i Ahmer'e kar- şı gösterdikleri şu eser-i fütüvvetden dolayı takdîr ederiz. _______________ Cemâhîr-i Müttefika-i Amerika'da kâin Detroit Şehri Cemâʻat-i İslâmiyesi aʻzâsından ve Hilâl-i Ahmer için en ziyâde çalışanlardan Erzurum vilâyetine tâbiʻ Kiğı kazâsı sekenesinden Merviszâde Aziz Hasan Efendi Mervis Zadé Aziz Hassan Effendi, ami de Croissant-Rouge et invitable de la communouté Musulmane de Diorit, Mich. Etas-Unis dʼAmérique