HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1540 Muhâcirîne muʻâvenet 1.221 42 Rum Muhâcirîn Hastahânesi masârıfı 5.264 49 Maʻlûlîn-i guzâta 327 50 Zâbitân âilelerine 41 50 Gürcü muhâcirîne muʻâvenet 1.999 99 Memâlik-i Müstahlasa'ya muʻâvenet 588.875 73 Sıhhiye-i askeriyeye muʻâvenet 141.875 68 Muʻâvenet-i muhtelife 96.394 57 Mübâdele-i ahâlî masrafı 118.990 48 Trakya'ya muʻâvenet 6.703 62 İstanbul fukarâ müdâvâthâneleri 6.279 91 Vilâyât-ı şarkiyeye muʻâvenet 8.221 60 Türk üserâsına muʻâvenet 21.399 4 Trabzon Dârüleytâmı'na muʻâvenet 2.403 88 Adana dispanserleri 1.507 63 Adana Dârüleytâmı'na muʻâvenet 2.580 75 [404] Bâlâda münderic hesâb-ı katʻîde müfredâta nazaran Hilâl-i Ahmer Cemʻiyeti [1]339 [1923] senesi zarfında menâbiʻ-i muhtelifeden cemʻan 1.386.606 lira vâridât teʼmîn etmiş ve buna mukâbil cemʻiyetin makâsıd-ı hayriyesine ve vezâif-i insâniyesini îfâ için vücûda getirdiği teşkîlâta 1.847.256 lira sarf eylemişdir. Bir sene zarfındaki vâridâta nazaran 460.651 lira fazla-i masârıf vâkiʻ olmuşdur ki, bu fazla esâsen çok olmayan ihtiyât akçesinden tesviye olunmuşdur. Bu sene zarfında Hilâl-i Ahmer Cemʻiyeti Garbî Anadolu'daki Memâlik-i Müstahlasa'ya ve sıh- hiye-i askeriye ve mübâdele-i ahâlî hidemâtına küllî muʻâvenet ibrâz etmiş, yukarıda sırasıyla taʻdâd edilen mahallerde cemʻiyetin muʻâvenet-i insâniyetkârânesinden istifâde etmişdir. Cemʻiyetin îfâ etdiği hidemâtın ehemmiyet ve vüsʻatine rağmen teşkîlât ve idâre masârıfının yüz ona bâliğ olmaması merkez-i umûmî heyʼetinin tasarruf ve hüsn-i idâre husûsunda öteden beri gösterdiği dikkat ü ihtimâma yeni ve bâriz bir misâl teşkîl eder. _______________ Namrun'da İʻâne Namrun Nâhiye Müdürü Rifat Bey'in riyâseti altında Tarsus Hilâl-i Ahmer aʻzâsından Ahmed, Tedrîsât-ı İbtidâiye Müfettişi Şevket, Kara Mehmedzâde Mustafa, Tevfik Efendizâde Emin, Ali Sab- bağzâde Mehmed, Doktor Ali Beyefendilerden müteşekkil bir heyʼet teşekkül etmişdir. Heyʼetin saʻy ü gayreti ve halkın arzuları ile Hilâl-i Ahmer'imize dört yüz yedi deri toplanmış ve tevzîʻ edilen ro- zetler[de]n sekiz bin kuruş hâsıl olmuşdur. _______________