HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1544 Bafra şuʻbemiz reîsi Rahmi Beyefendi ile şuʻbe aʻzâsına, Hilâl-i Ahmer'i unutmayan müteber- riʻîn-i muhteremeye mecmûʻa, takdîm-i teşekkürât eyler. _______________ Kocaeli Hilâl-i Ahmer Merkezi Kocaeli Hilâl-i Ahmer Heyʼet-i Merkeziyesi Reîsi Kılınçzâde Hakkı Bey ile Kâtib Hasan Beh- çet Bey'in vukûʻ-ı istiʻfâlarına mebnî yerlerine derece-i sâniyede reʼy kazananlardan Sıhhiye Müdürü Sadık Bey ile sâʻatçi Hâfız İbrahim Efendi alındıkdan sonra heyʼet-i merkeziyenin ictimâʻıyla yapı- lan intihâbda inhilâl eden riyâset-i ûlâya Hoca Rifat Efendi, kâtipliğe de Sadık Bey intihâb edilmiş ve intihâb-ı vâkiʻ merkez-i umûmîce tasdîke iktirân etmişdir. _______________ Mamuretülaziz Merkezi Mamuretülaziz Vilâyeti Hilâl-i Ahmer Heyʼet-i İdâre ve Merkeziyesi için 14 Mayıs 1340 [1924] târîhinde icrâ kılınan intihâbâtda ihrâz-ı ekseriyet eden zevât ber-vech-i âtîdir: Reîs: Mebʻûs-ı sâbık Muş İstînâf Reîs-i sâbıkı Mustafa Şükrü Bey Reîs-i Sânî: Meclis-i İdâre aʻzâsından Hacı Ziya Beyzâde Zeki Bey Kâtib: Maʻârif Müfettişi Hüsnü Bey Veznedâr: Tüccârdan Harputlu Said Bey Veznedâr Muʻâvini: Tüccârdan Aseszâde Hüseyin Efendi Aʻzâ: Belediye Reîsi Halil Bey Aʻzâ: Mütekâʻid Mîralây Ziver Bey Aʻzâ: Tüccârdan Mehmed Tahir Efendi Aʻzâ: Eşrâfdan Bedri Bey Aʻzâ: Şedelezâde Fehmi Efendi Aʻzâ: Belediye aʻzâsından Âbid Bey Aʻzâ: Belediye aʻzâsından Topçu Hasan Efendi Zevât-ı mûmâileyhimden Mustafa Şükrü, Hüsnü, Zeki, Said Beylerle Hüseyin Efendi, heyʼet-i idâreye intihâb edilmiş ve işbu intihâbât merkez-i umûmîce tasdîke iktirân eylemişdir. _______________ İmdâd-ı Sıhhî Heyʼetleri Çatalca İmdâd-ı Sıhhî Heyʼeti: Haziran'da 60 muhâcir hasta mürâcaʻat edip 15 hastahânede yatırılmışdır. Vefeyât yokdur. Görülen lüzûma mebnî bir hasta İstanbul Gurebâ Hastahânesi'ne sevk edilmişdir.