HİLÂL-İ AHMER MECMÛʻALARI / CİLT 4

Türkiye Hilâl-i Ahmer Mecmû‘ası Sayı 36 1545 Mülgâ İzmit İmdâd-ı Sıhhî Heyʼeti: Haziran'da 127 hasta mürâcaʻat eylemiş ve 23'ü hastahâne- de yatırılmış, üç hasta vefât eylemişdir. § Ulukışla İmdâd-ı Sıhhî Heyʼeti Riyâseti'ne taʻyîn olunan mülgâ Tuzla Heyʼeti Reîsi Doktor Bahaeddin Bey, Ulukışla'ya muvâsalatla işe mübâşeret eylemişdir. § [407] Niğde İmdâd-ı Sıhhî Heyʼeti Eczâcısı Nail Efendi ahvâl-i sıhhiyesine binâen istiʻfâ eylemiş ve yerine mülgâ Drama Heyʼeti Eczâcısı Ahmed Bey taʻyîn edilmişdir. § Ulukışla Eczâcısı Refik Bey'in vukûʻ bulan istiʻfâsına binâen yerine mülgâ Kavala Heyʼeti Eczâcısı Şerif Efendi taʻyîn edilmişdir. § İzmid İmdâd-ı Sıhhî Heyʼeti ilgâ edilmişdir. § Münhal bulunan Samsun İmdâd-ı Sıhhî Heyʼeti eczâcılığına mülgâ İzmid Heyʼeti Eczâcısı Ali Rıza Efendi taʻyîn edilmişdir. § Selanik'de gümrük amelesi arasında zuhûr eden iki vebâ vakʻası hasebiyle muhâcirîn nakli muvakkaten taʻtîl edilmesi hasebiyle vapur tabîblerinden beş tabîb Selanik İmdâd-ı Sıhhî Heyʼeti'ne yardım etmek ve muhâcirîne vebâ aşısı tatbîk eylemek üzere Selanik'e iʻzâm edilmişler ve muhâcirî- nin nakline başlanıldığı zamân kendi vapurlarına iltihâk etmeleri lüzûmu takarrür etmişdir. § Selanik'e 500 çuval un ve mikdâr-ı kâfi vebâ aşısı sevk edilmişdir. § Gülhane Muhâcir Dispanser Tabîbi Arif Ata Bey'in meʼmûren infikâkine binâen yerine mülgâ Gülhane İmdâd-ı Sıhhî Heyʼeti Hastahânesi etıbbâsından Akif Bey taʻyîn edilmişdir. § Ulukışla İmdâd-ı Sıhhî Heyʼeti İdâre Meʼmûru Hamdi Bey'in vukûʻ bulan istiʻfâsına binâen yerine alây kâtibliğinden mütekâʻid Nuri Bey taʻyîn edilmişdir. § Konya ve Mülhakâtı Seyyâr Tabâbeti'ne Doktor Fevzi ve Adil Beyler, seyyâr hastabakıcılığı- na Sabri ve Selim Efendiler taʻyîn edilmişlerdir. § Mersin İmdâd-ı Sıhhî Heyʼeti etıbbâsından Kenan Bey'in âilevî maʻzeretinden dolayı vukûʻ bulan istiʻfâsına binâen yerine Doktor Mehmed Kâmil Bey taʻyîn edilmişdir. § Mübâdele Vekâleti'nin gösterdiği lüzûm üzerine Kalikratya Heyʼet-i İmdâdiyesi ilgâ edilerek yerine bir doktor, bir hastabakıcı ve bir hademeden ibâret bir dispanser teʼsîs edilmişdir. § Mübâdelenin bidâyetinden 19 Temmuz'a kadar Yunanistan'dan nakledilen muhâcirîn adedi Muhtelit Mübâdele Komisyonu'ndan alınan maʻlûmât üzerine ber-vech-i âtî olduğu anlaşılmışdır: Selanik ve Alasonya 99.720 Kozana 32.324 Kayalar 38.314 Drama 67.201 Kavala 43.981 Kandiye 13.975 Hanya 8.837 Preveze ve Yanya 2.200 Midilli 7.500 Mecmûʻu 314.052