HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2010 HÜVİYET VESÎKALARINA ÂİD TAʻLÎMÂTNÂME 1-Hilâl-i Ahmer Cemʻiyeti meʼmûrîn ve müstahdemînine hüviyet vesîkaları iʻtâ olunur. 2-İşbu vesîkalar heyʼet-i idârenin kabûl eylediği şekil ve tarzda yeksenakdır. 3-Hüviyet vesîkası meʼmûrîn-i dâimeye târîh-i taʻyînlerinde ve meʼmûrîn-i muvakkatenin hiz- metlerine mübâşeretlerinden üç ay sonra âmirlerinin taleb ü tensîbi üzerine iʻtâ olunur. 4-Taşraya giden meʼmûrlar muvakkat dahi olsalar vakt-i hareketlerinde vesîkalarını alabilirler. 5-Her bir vesîkada meʼmûr ve müstahdemînin en son aldırmış olduğu fotoğrafîleri ilsâk edilir. 6-Hüviyet vesîkasını hâmil olanlar her taleb vukûʻunda vesîkalarını ibrâza mecbûrdurlar. 7-Her sene nihâyetinde tecdîd edilir. 8-Senesi hâricinde istiʻmâl edilen vesîkalar gayr-ı muʻteberdir. 9-Her ne şekilde olursa olsun, vazîfesine hitâm verilen meʼmûr vesîkasını iʻâdeye mecbûr oldu- ğundan iʻâde etmediği hâlde suver-i münâsibede istirdâd edilir. 10-Vesîkalara sıra numarası meʼmûr ve müstahdemînin vazîfeleri ile vesîkanın târîh-i iʻtâsı ve cemʻiyetin resmî mührü ve bu mührü istiʻmâl eden rüesâ-yı idârenin imzâ-yı zâtîsi ile vesîkayı imlâ eden meʼmûrun imzâsı konulur. [268] 11-Hüviyet vesîkaları sicil husûsâtı ile meşgûl olan idâre tarafından iʻtâ edilir. Bu husûs- da muntazam bir defter tutulup vesîkadaki resmin aynı bir resim ilsâk edilir ve vesîkada muharrer meşrûhât deftere adres ilâvesiyle aynen kaydedilir. 12-Vesîkaların zıyâʻı hâlinde senesi dâhilinde diğeri iʻtâ olunamaz. Vesîkalarını zâyiʻ edenler hemen idâreyi haberdâr etmeleri lâzımdır. Vesîka irâʼesini icbâr eden ahvâl-i istisnâiyede sene nihâ- yetine kadar istiʻmâl edilmek üzere muvakkat bir tasdîknâme verilir. 13-Meʼmûrîn ve müstahdemînden gayrı merkez-i umûmî aʻzâ-yı muhteremesi ile cemʻ-i iʻânat heyʼetleri rüesâ ve muʻtemedlerine vesîka iʻtâ olunur. Cemʻ-i iʻânât heyʼetlerinden istiʻfâ eden aʻzâ yerine intihâb olunanlara verilecek vesîkalar müstaʻfî aʻzânın vesîkaları alınmadıkça iʻtâ edilemez. 14-Vesîkalar müdîrân-ı idârenin taleb ü tensîbleri üzerine verilir. 15-Taşralarda mahallinde tedârük edilen müstahdemîn için verilecek vesîkalar ile sene başla- rında tecdîd edilecek vesîkalar şerâit-i maʻlûme dâhilinde idâre-i merkeziyeden taleb ve merkezce bi'l-imlâ mahallerine gönderilir. 16-Bi'l-cümle meʼmûrîn ve müstahdemînin husûl-i ıttılâʻı için işbu taʻlîmâtnâme müessesâtın münâsib mahallerine taʻlîk edilir. 17-Taʻlîmâtnâmenin tenfîz-i ahkâmına müdîrân-ı idâre meʼmûrdur. 6 TEMMUZ 1906 CENEVRE MUKÂVELENÂMESİ Hâl-i harbde bulunan ordular mecrûhîn ve hastagânının tehvîn-i ıztırâb ve ıslâh-ı hâlleri hakkın- da Cenevre'de 6 Temmuz 1906 târîhinde münʻakid mukâvelenâmenin tedkîk ve taʻdîli için On Birinci Beynelmilel Salîb-i Ahmer Konferansı tarafından ihzâr ve kabûl edilen lâyiha, bir siyâsî konferansda