HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2013 On İkinci Mâdde- Dokuzuncu, onuncu ve on birinci mâddelerde zikrolunan meʼmûrîn ve müs- tahdemîn düşman eline geçdikden sonra onun idâresi altında îfâ-yı vezâife devâm edeceklerdir. Bun- lar artık kendi muʻâvenetlerine lüzûm kalmadığı takdîrde îcâbât-ı askeriyeye kâbil-i tevfîk olmak üzere taʻyîn edilecek müddet ve tarîk ile ordularına veya memleketlerine iʻâde kılınacaklardır. Bu hâlde kendi [271] mâlları olan eşyâ ve âlât, esliha ve bârgîrleri dahi berâber götüreceklerdir. On Üçüncü Mâdde- Düşman dokuzuncu mâddede zikrolunan meʼmûrîn ve müstahdemîn kendi elinde bulunduğu müddetçe bunlara kendi ordusunda aynı mertebede bulunan meʼmûrîn ve müstah- demîne verilen tahsîsât ve maʻâşın iʻtâsını teʼmîn edecekdir. Dördüncü Fasıl Malzeme On Dördüncü Mâdde- Teşkîlât-ı sıhhiye-i seyyâre düşman eline düşdükleri hâlde vesâit-i nakli- ye ve heyʼet-i sevkiye neden ibâret olursa olsun, hayvânlar dahi dâhil olmak üzere malzemeleri ken- dilerinde kalacakdır. Maʻa-hâzâ meʼmûrîn-i âide-i askeriye, mecrûhîn ve hastagânın emr-i tedâvîleri için bunları istiʻmâl salâhiyetini hâiz olacakdır. Malzemenin iʻâdesi meʼmûrîn-i sıhhiye için taʻyîn olunan şerâit tahtında ve mümkün oldukça aynı zamânda vukûʻ bulacakdır. On Beşinci Mâdde- Müessesât-ı sâniye emâkin ve levâzımı, kavânîn-i harbiyeye tâbiʻ kala- caklar ise de mecrûhîn ve hastagâna lâzım oldukça âhar işde kullanılamayacaklardır. Maʻamâfîh ha- rekât-ı seferiyede bulunan asâkir kumandanları îcâbât-ı mühimme-i askeriyede bunlardan istifâde edebilecekler ve fakat evvel be-evvel derûnlarında bulunan mecrûhîn ve hastagânın muhâfazasını teʼmîn eyleyeceklerdir. On Altıncı Mâdde- Metn-i mukâvelede musarrah şerâit tahtında olarak bu mukâvelenâme ahkâ- mından istifadelerine cevâz verilen muʻâvenet cemʻiyetleri levâzımı emvâl-i husûsiyeden addedilmiş olup bu sıfatla her gûne ahvâlden masûn kalmak lâzım gelir. Şu kadar ki, kavânîn ve âdât-ı harbiye mûcebince muhâribler için tasdîk olunan mutâlebât-ı askeriye hakkı müstesnâdır. Beşinci Fasıl Tahliye Kâfileleri On Yedinci Mâdde- Tahliye kâfileleri hakkında teşkîlât-ı sıhhiye-i seyyâre misillü muʻâmele olunacakdır. Ahkâm-ı mahsûsa-i âtiye müstesnâdır: 1-Bir kâfilenin yolunu kesen muhârib eğer îcâbât-ı harbiye lüzûm gösterir ise hastagân ve mec- rûhîne bakmağı derʻuhde ederek o kâfileyi dağıtabilecekdir. 2-Bu hâlde on ikinci mâddede gösterildiği üzere meʼmûrîn ve müstahdemîn-i sıhhiyeyi iʻâde etmek mecbûriyeti kâfilenin nakline veya muhâfazasına meʼmûr ve bu bâbda muntazam bir emirnâ- meyi hâmil olan bütün heyʼet-i askeriyeye dahi teşmîl edilecekdir. On dördüncü mâddede muharrer olduğu vechile levâzım-ı sıhhiyeyi iʻâde etmek mecbûriyeti tahliye muʻâmelâtı için sûret-i mahsûsada tertîb olunan demiryol katarlarına ve esfâr-ı dâhiliyeye mahsûs sefâine ve hidemât-ı sıhhiyeye âid araba, katar ve sefâin-i âdiye, Levâzım İdâresi'ne dahi tat- bîk olunacakdır. Umûr-ı sıhhiyede istiʻmâl olunanlardan gayrı askerî arabalar hayvânlarıyla berâber müsâdere olunabilecekdir. Mutâlebât-ı askeriye sûretiyle elde edilen meʼmûrîn ve vesâit-i muhtelife-i