HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2017 Son Büyük Millet Meclisi intihâbâtında İstanbul mebʻûsu intihâb olunan Abdurrahman Şeref Bey geçen sene inʻikâd eden Hilâl-i Ahmer Merkez-i Umûmîsi tarafından ittifâk-ı ârâ ile kongre riyâ- setine ve bilâhare bâ-kurʻa tebdîli îcâb eden beş zâtdan birinin yerine Hilâl-i Ahmer Merkez-i Umûmî aʻzâlığına intihâb edildi. Merkez-i umûmî fazl u kemâline bir nişâne-i hürmet olmak üzere merhûmu riyâsete geçirdi. Abdurrahman Şeref Bey fazîlet-i ilmiye ve ahlâkiyesiyle umûmun mazhar-ı takdîr ve hürmeti olmuş zevât-ı nâdiredendir. Rahmetullahi aleyh, rahmeten vâsiʻa. _______________ Hilâl-i Ahmer Nizâmnâme-i Esâsîsi 'nin Mevâdd-ı Muʻaddelesi Hilâl-i Ahmer Nizâmnâme-i Esâsîsi 'nin on beşinci ve on dokuzuncu mâddeleri makâmına kâim olmak üzere tanzîm edilen mevâdd-ı müzeyyelenin kabûlünü mutazammın icrâ vekîlleri heyʼetinin 5 Şubat [1]341 [1925] târîhli ictimâʻında müttehaz karâr üzerine tanzîm edilip Başvekâlet-i Celîle'den 21 Şubat [1]341 [1925] târîhli, 6/869 numaralı tezkere-i sâmiye ile teblîğ buyurulan karârnâme sûret-i musaddakasıdır: Sûret Mâdde 1- 1327 [1911] târîhli Hilâl-i Ahmer Nizâmnâme-i Esâsîsi 'nin on beşinci ve on dokuzun- cu mâddeleriyle mevâdd-ı sâiresi ahkâmı ber-vech-i âtî taʻdîl olunmuşdur. Mâdde 2- Hilâl-i Ahmer Merkez-i Umûmîsi aʻzâ-yı müessise ile merkez-i umûmî aʻzâsından ve sûret-i intihabıyla mikdârı üçüncü mâddede taʻrîf ve taʻyîn kılınan aʻzâ-yı âmile murahhaslarından teşekkül eder. Mâdde 3- Her vilâyet merkezi, meclis-i umûmîye defterde mukayyed olup âidât-ı seneviyesini tamâmıyla îfâ etmiş bulunan aʻzâ-yı âmilesinden reʼy-i hafîsiyle ve ellide biri nisbetinde murahhas göndermek hakkını hâizdir. Mâdde 4- Vilâyât merâkizince murahhas intihâb olunacak aʻzâ-yı âmilenin o vilâyet defterinde mukayyed aʻzâ-yı âmileden olması meşrût değildir. Mâdde 5- İkinci mâddede mezkûr aʻzâdan yetmiş beş zât hâzır bulunmadıkça meclis-i umûmî inʻikâd edemez. İlk yevm-i ictimâʻda bu ekseriyet hâsıl olamadığı hâlde ictimâʻ bir hafta sonraya taʻlîk ve keyfiyet gazetelerle iʻlân olunur. İkinci yevm-i ictimâʻda yine ekseriyet hâsıl olmaz ise aʻzâ- yı mevcûde ile meclis küşâd olunarak müzâkereye ibtidâr edilir. Mâdde 6- Hilâl-i Ahmer Nizâmnâme-i Esâsîsi 'nin on beşinci ve on dokuzuncu mâddeleriyle işbu nizâmnâmeye muhâlif bulunan mevâdd-ı sâiresi ahkâmı mülgâdır. Mâdde 7- İşbu nizâmnâme târîh-i neşrinden iʻtibâren merʻiyyü'l-icrâdır. _______________