HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2018 "-Ardahan Hareketzedeleri Muhtâc-ı Muʻâvenet Bir Hâldedir. Ardahan'da 9 Kânûn-ı Sânî'de vukûʻ bulan ve el-yevm fâsıla ile devâm etmekde bulunan hare- ket-i arzın ne müdhiş bir felâket tevlîd eylediği kısm-ı mahsûsumuzda mündericdir. Yüz kırk sekiz kişinin vefâtı, otuz kişinin mecrûhiyeti ve Ardahan kasabası ile bazı kurânın kâmilen, kırk karyenin kısmen harâbiyeti ile netîcelenen bu zelzeleden iki bini mütecâviz halkın sefîl ve perîşân bir hâlde melceʼ ve meʼvâsız kaldıklarını ve bütün varlıklarının mahv olduğunu kemâl-i teessürle haber aldık. Yarım asırdan beri çok istîlâlara ve felâketlere maʻrûz kalmış olan Ardahan vilâyeti halkının kış mevsiminde şiddetle hükmünü sürdüğü bu zamânlarda [276] ve tahte's-sıfır 20-30 derece-i bürûdetde üryân ve sefîl bir hâlde dağ başlarında karlar üzerinde melceʼ ve meʼvâsız kalmaları hepimizi pek müteessir etdiğine şübhe yokdur. Ardahan halkının bu felâketine acımayacak tek bir dîndâşımız bulunamayacağına kâniʻiz. Bu zavallı halkın hiç olmazsa hayâtlarını kurtarmak için elden gelen muʻâvenetin aʻzamî derecede îfâ- sından hiçbir kardeşimizin kaçınmaması îcâb eder. Binâenaleyh mahallî hükûmetlerin ve belediyeler maʻrifetiyle bu felâket-i hayriyenin münâsib sûretde ve her tarafda iʻlânıyla berâber teşkîl edilecek heyʼetler vâsıtasıyla dîndâşlarımızın muʻâvenet-i hamiyet-mendânelerine mürâcaʻat olunmasını ve bu felâketzedelerin hayâtlarının bir an evvel kurtarılabilmesini teʼmîn için îcâb eden vazîfe-i dîndârâ- ne ve hamiyet-mendânenin îfâsını bu gibi emr-i hayırlara bezl-i muʻâvenetden çekinmeyen muhterem ahâlîmizin, zâbitânımızın, tüccârlarımızın ve tekmîl efrâd-ı milletin sehâkâr lütuflarını esirgememele- rini ricâ eder ve alâkadâr makâmâtın bu husûsda nazar-ı dikkatini celb eylemeği bir vecîbe addederiz. Ardahan'ın vazʻiyet-i husûsiyesini takdîr buyuran sâir mevâkiʻde münteşir rüfekâmızın da muʻâvenet-i kalemiyeleriyle vazîfelerini îfâ edeceklerinde şübhemiz yokdur. Ancak bu sûretle vazî- fe-i vataniye ve insâniyemizi îfâ etmiş olacağız. Varlık " _______________ Salîb-i Ahmer Cemʻiyetlerinin Teberruʻâtı Cemâhîr-i Müttefika-i Amerika'nın Dersaadet Sefîri Amiral Bristol cenâbları Amerika Salîb-i Ahmeri nâmına muhâcirîn için merkez-i umûmîmize 5.000 dolarlık bir çek tevdîʻ etmişlerdir. Aynı zamânda Amerika Salîb-i Ahmeri'nin Dersaadet şuʻbesi reîsi olan Amir[al] Bristol cenâb- ları irsâl buyurdukları bir mektûbda böyle bir emr-i hayra tavassut etmesinin kendisinde hâsıl etdiği mahzûziyeti beyân etdiği sırada meblağ-ı mezbûrun kabûlünü bir lisân-ı tevâzuʻla ricâ etmekdedirler. Mütâreke senelerinde eczâ, malzeme-i sıhhiye, çamaşır, elbise vesâire iʻtâ etmek sûretiyle Hilâl-i Ahmer'e azîm muʻâvenetleri sebk eden Amerika Salîb-i Ahmer Cemʻiyeti'ne ve cemʻiyet-i mezkûreyi burada temsîl eden Madam Bristol ve Amiral Bristol cenâblarına bu vesîle ile de o bîçâre- ler nâmına arz-ı şükrân eyleriz. _______________