HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2019 Erzurum hareketzedegânı için Brezilya Salîb-i Ahmer Cemʻiyeti 500 İsviçre frangı, Ukrayna 35 İngiliz lirası, Finlandiya 271 İsviçre frangı ve Danzig Serbest Şehri Salîb-i Ahmeri 43 İsviçre frangı irsâl etmişdir. Bu hemşîre cemʻiyetlere teşekkür ederiz. _______________ Hindistan Heyʼeti Hindistan'a iʻzâm kılınmış olan Hilâl-i Ahmer heyʼeti Bombay'a muvâsalat ve vukûʻ bulan daʻ- vet üzerine Delhi'ye müteveccihen hareket etmişdir. _______________ Beynelmilel Salîb-i Ahmer Komitesi Delegesi Beynelmilel Salîb-i Ahmer Cenevre Merkez Komitesi'nin murahhas-ı umûmîsi Mösyö Schlem- mer, Hilâl ve Salîb-i Ahmerlere âid bazı mesâili müzâkere etmek üzere şehrimize muvâsalat etmişdir. _______________ Bir Teberruʻ Milas'da bilâ-veled ve verese vefât eden Mesned Hanım metrûkâtından bir kısmını emr-i hayra ve bin altı yüz [277] liralık bir servetini de şühûd-ı müteʻaddide ve muʻtebere muvâcehesinde Hilâl-i Ahmer'e terk ve teberruʻ eylemişdir. _______________ Hacı Sâkıb Efendi'nin Vefâtı Antakya'dan vârid olan haberlere nazaran Hilâl-i Ahmer Cemʻiyeti Reîsi Müftüzâde Hacı Sâkıb Efendi, kısa râhatsızlığı müteʻâkib vefât eylemişdir. Antakya'nın millî varlığında hâsıl olan bu ziyâʻ-ı elîm pek derîn bir teessürü mûcib olmuşdur. Cenâzesine on beş bin kişi iştirâk etmiş ve naʻşı halkın gözyaşları arasında medfen-i ebedîsine tevdîʻ edilmişdir. Merhûm İzmir'in istihlâsı münâsebetiyle icrâ edilen şenliklerde Hilâl-i Ahmer'e on altı bin küsûr lira iʻâne cemʻine muvaffak olmuşdu. _______________ Sanâyiʻ-i Tezyîniye Sergisi Nisan'da Paris'de küşâdı mukarrer olan sanâyiʻ-i tezyîniye sergisine Hilâl-i Ahmer Hanımlar Merkezi'nin dârüssınâʻasında yapılan el işlerinden mühim mikdârda eşyâ irsâli ve sergide teşhîr etdi- rilmesi takarrür etmişdir. _______________