HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2020 Manisa Hilâl-i Ahmer Merkezi Manisa Hilâl-i Ahmer Merkez Dispanseri'nde Kânûn-ı Sânî [1]341 [Ocak 1925] bidâyetinden nihâyetine kadar 696 hasta tedâvî edilmişdir. Bunlardan 358'[i] çocuk hastalıkları olup hastaların tekmîl ilâcları meccânen verilmişdir. _______________ Konya Hilâl-i Ahmer Merkezi Konya ve civârına sevk edilen muhtâc-ı muʻâvenet muhâcirlere tevzîʻ edilmek üzere yeniden 250 battâniye, 250 fanila, 150 elbise, 500 çift çorab, 500 don ve 500 gömlek Konya Hilâl-i Ahmer Merkezi'ne gönderilmişdir. _______________ Samsun İmdâd-ı Sıhhî Heyʼeti'nin İcrââtı Vazîfesi hitâm bulan Samsun İmdâd-ı Sıhhî Heyʼeti'nin 1 Kânûn-ı Sânî sene [1]340'dan [Ocak 1924] târîh-i lağvı olan 12 Kânûn-ı Sânî [1]341 [Ocak 1925] târîhine kadar bir sene on bir günlük faʻâliyet müddeti esnâsında sevk, iʻâşe ve tedâvî etdiği muhâcirlerin iskân edildiği on üç mıntıka ber-vech-i âtîdir: Tevdîʻ Olunan Mahal Vürûd Etdikleri Mahal Muhâcirlerin Mikdârı Amasya ve mülhakâtı Drama, Kavala, Selanik, Kayalar 5.440 Tokat " 6.800 Çorum " 2.318 Ordu " 1.678 Giresu[n] " 748 Karahisarışarki " 8.788 Trabzon " 1.328 Erzincan " 1.157 Sinop Drama köyleri 1.594 Yozgad Selanik, Kayalar 5.277 Sivas " 4.404 Gümüşhane " 543 Samsun ve mülhakâtı Drama, Selanik, Kasaba ve Karesi 18.410 Yekûn 58.486 Samsun heyʼetinin teʼsîs etdiği hastahâneye 1.368 muhâcir dâhil olmuş, bunlardan 1.101'i iʻâ- de-i âfiyet ve 267'si vefât etmişdir. Polikliniğe 10.294 hasta mürâcaʻat etmiş ve 10.035'i iʻâde-i âfiyet ve 259'u vefât etmişdir. Vefât edenlerin masârıf-ı techîziye ve tekfîniyesi müesseseden tesviye edilmişdir.