HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2021 Denizli Hilâl-i Ahmer Merkezi Garbî Karaağaç Merkezi'yle köyleri fukarâ-yı ahâlî- sinden "grib"e dûçâr olanlara şeker ve çay ve beş yüz kilo irmik ile yüz kutu et korservesi Denizli Hilâl-i Ahmer Merkezi vâsıtasıyla tevzîʻ etdirilmişdir. _______________ Hilâl-i Ahmer'in Fukarâ-yı Ahâlîye Kömür Tevzîʻi Hilâl-i Ahmer Merkez-i Umûmîsi İstanbul ve mül- hakâtında bulunan fukarâ-yı ahâlîye 48.000 kilo kömür tevzîʻ etdirmişdir. Bu kömürlerden: 24.000 kilosu Fatih, Karagümrük, Şehremini, Samatya'ya 8.000 kilosu Hasköy, Kasımpaşa mıntıkalarına 12.000 kilosu Beylerbeyi, Üsküdar menâtıkına 4.000 kilosu Eyüb cihetlerine taksîm edilmişdir. 48.000 Milas Muhâcirleri Muhtâc-ı muʻâvenet bir hâlde bulunan Milas muhâcirleri için vâridât-ı mahalliyeden mikdâr-ı münâsib muʻâvenet icrâsı için Menteşe Hilâl-i Ahmer Merkezi'ne meʼzûniyet iʻtâ edilmişdir. _______________ Kırşehir Hilâl-i Ahmer Merkezi Nevâhîde birer şuʻbe teşkîli hakkında Kırşehir Hilâl-i Ahmer Merkezi'nden vukûʻ bulan teklîf muvâfık görülmüşdür. _______________ Zonguldak Hilâl-i Ahmer Merkezi Zonguldak Hilâl-i Ahmer Heyʼet-i Merkeziyesi'nde inhilâl eden iki aʻzâlığa en çok reʼy alan Maʻdenci Bekir Sıdkı ve Eczâcı Nizameddin Beyler intihâb olunmuşlardır. Hilâl-i Ahmer yeni heyʼet-i idâresi, zevât-ı âtiyeden teşekkül etmişdir: * Birinci Reîs: Operatör Nihad Sezai Bey * İkinci Reîs: Deniz İşçileri Derneği Kâtib-i Umûmîsi Bedri Bey * Kâtib: Amele Birliği Tabîb-i resmîsi Doktor Şuayb Nuri Bey * Veznedâr: Reji Müdürü Fahreddin Bey * Muʻâvin: Tahrîrât Müdürü Nuri Bey _______________ [278] Merkez-i umûmî aʻzâlığına intihâb edilen Necib Bey Nedjib Bey, élu dernièrement membre du C.C.C.R.T.