HİLÂL-İ AHMER MECMÛʻALARI / CİLT 5

2042 Dördüncü Sene 21 Ramazân sene 1343 / 15 Nisan sene 1341 (1925) Numara 44 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 1783 Mündericât: Câmiʻ ve Bayram Günleri – İctimâʻî Hıfzıssıhha – Gençlik Salîb-i Ahmeri – Gençlik Salîb-i Ahmeri'nden Bir Mektûb Numûnesi – Hilâl-i Ahmer Havâdisi – Salîb-i Ahmer Havâdisi – Muktebesât – Hilâl-i Ahmer Semt Teşkîlâtı – Fransızca Kısmı – İngilizce Kısmı Hilâl-i Ahmer'e aʻzâ kaydolan her vatandâş gerek şahsına gerek vatanına karşı büyük bir vazîfe-i medeniye îfâ etmiş olur. _______________ Hilâl-i Ahmer Cemʻiyeti harb zamânında Türkiye ordu ve donanmasındaki yaralı hastalarla zuʻafâ ve maʻlûlînin tedâvî ve tahfîf-i ıztırâblarına muʻâvenet eder. Hasta ve yaralıların nakline muktezî vesâiti teʼmîne yardım ve hastabakıcılar tedârük eder. Askerî hastahânelere tıbbî ve cerrâhî levâzım ihzâr eder. Askerî sıhhiye trenleri ve hastahâne ve nakliye sefîne ve tayyârelerine îcâbında tıbbî, cerrâhî levâzım iʻtâ eder. Cihet-i askeriyenin irâʼe edeceği mahallerde Hilâl-i Ahmer hastahâneleri teʼsîsi ve müesses hastahâneleri idâre eder. Harb sakatlarına aʻzâ-yı sınâʻiye iʻmâline yardım eder. Asker ve sivil üserânın mecrûh [290] ve hastalarına bakar ve bunların ve Türk üserâsının âilelerine muhâberelerini ve nakid ve eşyâ münâka- lelerini teʼmîne tavassut ve delâlet eder. Hilâl-i Ahmer Cemʻiyeti, sulh zamânında hastabakıcı yetişdirir. Âfât-ı ictimâʻiyeye karşı mücâdelâta tahsîsâtı dâiresinde iştirâk eder. Harîk-ı hâil, hareket-i arz, tuğyân-ı miyâh, kaht ve îcâbât-ı harbiye dolayısıyla muhâceret gibi âfât ve mesâibden biri vukûʻunda muʻâvenetde bulunur. Binâenaleyh Hilâl-i Ahmer'e yardım, vatana yardım sayılır. _______________