HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2048 -2- Gençlik Salîb-i Ahmeri'nin İstihdâf Etdiği Gâye Gençlik Salîb-i Ahmeri, Salîb-i Ahmerlerin sulh faʻâliyetlerini tevsîʻ etmeği istihdâf eden bir hareket olup bu harekete teşrîk etdiği mekâtib gençliğinin terbiyesine vatandâş vezâifinin daha çok insânî bir mâhiyet ve maʻnâda anlaşılmasını teʼmîn edecek bir istikâmet verir. Taʻbîr-i âharla Genç- lik Salîb-i Ahmeri'nde yeni bir sulh medeniyetinin tehyiʼesi için sıhhati ıslâh etmek, emrâzın önünü almak, gençleri sıhhatlerine iʻtinâya alışdırmak, gençlik içinde bir fikr-i tesânüd teessüsüne yardım etmek ve insânî, medenî vezâif-i tesânüdü anlamağa çocukları alışdırmak ve bu sûretle etfâlde mem- leketlerinin gençliğine ve bütün milel ü akvâma karşı muʻâvenet-i mütekâbilenin medlûl ve tatbîkâtı- nı inkişâf etdirmek gâyesi taʻkîb edilmekdedir. Gençlik Salîb-i Ahmer hareketi, Salîb-i Ahmer Cemʻiyetleri müdîrânından ziyâde muʻallim ve mürebbîler arasında doğup inkişâf etdiği için mekteb dâimâ teşkîlâta esâs olmuş ve teşkîlâtın idâresi muʻallim ve mürebbîye tevdîʻ kılınmışdır. Binâenaleyh Gençlik Salîb-i Ahmeri terbiye-i etfâl gâye- sine maʻtûf bir zarûret-i hakîkiyeden doğmuşdur. Ancak Gençlik Salîb-i Ahmeri'nin tamâmen ana cemʻiyetine merbût kalması da şart-ı aʻzamdır. Gençlik Salîb-i Ahmer esâsâtı her memleketin şerâit-i ictimâʻiyesine nazaran tahavvül eder. Şu mütâlaʻâtı bir de Gençlik Salîb-i Ahmerlerinden bazılarının nizâmât-ı esâsiyesi üzerinde taʻkîb edelim. § Bunlardan Romanya Gençlik Salîb-i Ahmeri taʻkîb etdiği gâyeyi şu çerçeve içine alıyor: 1-Çocuklarda tesânüd hissini inkişâf etdirmek, çocuğa gerek kendi memleketinde ve gerek memâlik-i ecnebiyede muʻâvenet ve himâyeye muhtâc olanlara kardeşçe ve tamâmen hasbî olarak yardım etmeği öğreterek onlarda rikkat ve şefkat duygusunu kuvvetlendirmek ve bu sûretle genç nesil arasında Salîb-i Ahmer aʻzâ-yı müstakbelesi için bir fidanlık yetiştirmek 2-Çocuklar arasında kuvvetli bir arkadâşlık fikrini daha mektebde iken teʼsîse çalışmak, nefsi- ne ve benî nevʻine karşı muhabbeti ve cemʻiyet-i beşeriyede fâideli insân ve iyi bir vatandâş olmağı aksâ-yı emel yapmak 3-Mâddî ve rûhî sıhhatlerini muhâfaza ve ıslâh etmeği çocuklara öğretmek 4-Sıhhati ıslâh etmek, emrâzın önünü almak ve âlâm ü ıztırâbâtı tahfîf etmeğe maʻtûf olan Salîb-i Ahmer sulh programının husûlüne yardım etmek § Lehistan Gençlik Salîb-i Ahmeri de gâyesini şu sûretle ifâde ediyor: 1-Dostluk duygusunu ve yekdiğerine meyil ve teveccüh hissini çocuklara amelî bir tarzda öğ- retmek 2-Genç rûhlarda benî nevʻine muhabbet hissini inkişâf etdirmek 3-Gençlerde fikr-i tesânüd ve fikr-i vatan-perverîyi uyandırmak 4-Cismânî ve rûhî sıhhatin gerek kendi ve gerek hem-cinsleri üzerinde hâsıl edeceği teʼsîrât-ı haseneyi çocuklara göstermek