HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2053 Diyarbekir Hilâl-i Ahmeri'ne Muʻâvenet Ahvâl-i hâzıra dolayısıyla Diyarbekir Hilâl-i Ahmer Merkezi'ne merkez-i umûmîmizden dört bin lira irsâl edilmişdir. [301] Erzurum zelzele mıntıkasında Köprüköy harâbeleri ahâlîsinden bir grup Groupe dʼéprouvés du tremblement de terre de Kupru Keuy, vilayet dʼErzeroum Yunanistan'da Bir Doktor Nezdinde Alıkonulan Maʻsûm Yunan tebaʻasından Doktor Sanidis'in ücret-i tedâvîsinin adem-i teʼdiyesi bahânesiyle üç se- neden beri nezdinde tevkîf etdiği Dikili ahâlîsinden Abdullah nâmında bir adamın mahdûm-ı sagîri Mehmed'in ücret-i tedâvînin teʼdiyesine taʻlîkan adem-i iʻâdesi her türlü kavâʻid-i hukûkiye ve insâ- niyenin hâricinde olduğundan bahisle tabîb-i mûmâileyhin taleb etdiği ücret-i tedâvîyi usûlü dâiresin- de aramak üzere sagîr-i merkûmun pederine iʻâdesiyle mahbûsiyet-i nâ-meşrûʻa mâhiyetinde bulunan şu hâle nihâyet verdirilmesi hakkında Cenevre Beynelmilel Salîb-i Ahmer Komitesi'ne yazılan tah- rîrâta cevâben ve Yunan Salîb-i Ahmeri'nin işʻârına atfen vârid olan tahrîrâtda tahkîkât-ı mukteziye icrâsı vaʻd edilmişdir. Cemʻiyetimiz, mevʻûd tahkîkâtın intâcıyla sagîr Mehmed'in sürʻat-i mümkine ile iʻâdesine delâlet etmesini komiteden tekrâr ricâ etmişdir. _______________ Garbî Trakya'ya Kinin Vukûʻ bulan taleb üzerine Garbî Trakya merzagî menâtıkında sıtmadan muztarib bîçâregâna tevzîʻ edilmek üzere bir kilo klormait kinin Muhtelit Komisyon Türk delegesine irsâl kılınmışdır. _______________