HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2055 [303] Doktor Besim Ömer Paşa ve Fransız Salîb-i Ahmeri Süt Damlası Müessesesi'nin, Müderris Doktor Besim Ömer Paşa'ya devir ve tevdîʻinin bir hâtı- ra-i târîhiyesi olmak üzere Fransız Salîb-i Ahmer Madamlar Heyʼeti tarafından müşârunileyhe Salîb-i Ahmer iftihâr madalyası iʻtâ edilmişdir. Süt Damlası, 1921 târîhinde General Pelle'nin teşebbüsü ile Fransız Salîb-i Ahmeri erkân-ı selâ- sesinden Fransız Madamları Cemʻiyeti'nin Bayezid'de, dârülfünûn karşısındaki târîhî sebîlde teʼsîs ve 1924 senesi Temmuz'una kadar idâre ve idâme etdiği bir müessesedir. Fransız Salîb-i Ahmer Cemʻiyeti, bu süt damlasını müslümân muhîtinde ve sırf müslümân ve Türk çocuklarına tahsîs etmiş idi. O zamân müessesenin resm-i küşâdı Evkâf'dan, Şehremâneti'nden, Hâriciye'den, Sıhhiye Mü- düriyeti'nden, Hilâl-i Ahmer Cemʻiyeti'nden medʻuv birçok zevât huzûrunda icrâ edilmiş ve Fransız Mümessili General Pelle'nin îrâd etdiği nutka paşanın verdiği cevâbda Fransa'da hocası Profesör Budin'in teʼsîs etdiği ve kendisinin evân-ı tahsilinde sık sık devâm eylediği "Küçük Çocuklar Muʻâ- yenehânesi ve Süt Damlası"nın bugün dünyânın her tarafında meydâna getirildiğine işâret etdikden sonra bu sefer de işbu resm-i küşâdda hâzır bulunması kendisi için mûcib-i şeref ve bahtiyârî oldu- ğunu ve müessesenin her yerdeki emsâli vechile memleketimizde de vefeyât-ı etfâle karşı pek büyük hizmetler îfâ edeceğini ilâve etmiş ve hâtime olarak General Pelle'ye bî-pâyân şükrânlarını takdîm etmiş idi. Doktor Besim Ömer Paşa bidâyet-i teʼsîsinden iʻtibâren süd damlasında haftada bir gününü çocukları muʻâyene ve tedâvîye hasretmişdir. Fransız Salîb-i Ahmer Hanımlar Cemʻiyeti İstanbul Komitesi 1924 senesi Haziran'ının nihâ- yetine kadar süd damlasını idâre etmiş ve fakat târîh-i mezkûrda hâsıl olan buhrân-ı mâlî dolayısıyla müessesenin idâresi 1925 senesi Şubat'ına kadar Himâye-i Etfâl reîsi sıfatıyla Doktor Besim Ömer Paşa'ya tevdîʻ kılınmışdır. Himâye-i Etfâl Cemʻiyeti geçen sene Temmuz'undan iʻtibâren süt damlasını bilfiʻl idâre etmek- dedir. Nisan'ın sekizinci Çarşamba günü Doktor Besim Ömer Paşa'ya Fransız Salîb-i Ahmer Kadınlar Heyʼeti'nin ihdâ etdiği iftihâr madalyası münâsebetiyle Sefîr Vekîli Mösyö Jessé-Curély cenâbları tarafından müderris-i muhterem şerefine bir çay ziyâfeti verilmişdir. Salîb-i Ahmer aʻzâsından bulunan Mösyö Jessé-Curély, Besim Ömer Paşa'nın süt damlasında sarf etdiği mesâʻîden bahsetmiş ve kadınlar heyʼetinin İstanbul'daki reîsesi Madam de Closières de bu ictimâʻın Süt Damlası Müessesesi'nin kâmilen paşaya devir ve tevdîʻi münâsebetiyle akdedildi- ğini beyân etmişdir. Kendisine gösterilen bu âsâr-ı teveccühden pek ziyâde mütehassis olan Besim Ömer Paşa, beyân-ı teşekkür etdiği sırada küçük çocuklara muʻâvenet husûsunda Fransız Salîb-i Ah- meri'nin gösterdiği hayırhâhlığın Türkiye'de tatbîkât sâhasında başka eserler vücûda getireceğini ve bundan Fransa için bir hisse-i iftihâr görülmesi tabîʻî addedileceğini ilâve etmişdir. İşbu merâsimde hâzır bulunan Fransız Salîb-i Ahmer Madamları Cemʻiyeti delegesi ve İstanbul Komitesi Reîsesi Madam de Closières birçok Fransız kibâr-ı nisvânı ve sefâret erkânı paşayı tebrik etdikden sonra merâsime hitâm verilmişdir.